Zamanaýi tehnologiialardyń igiliginen elimizdiń sot júiesi de tys qalyp jatqan joq. Onyń basty dálelderiniń biri – 2014 engizilgen «Sot kabineti» elektrondyq aqparattyq servisi. Sodan bergi aralyqta bul júie jetkilikti deńgeide jyl saiyn jańartylyp, belsendi jumys jasap, servisti qoldanýshylardyń saǵattap sany artqan. Tsifrlaný jańalyǵynyń jaǵymdy jaǵy - jumystaǵy qaǵazbastylyqty joiý. Bul jaily Almaty qalasy Alataý aýdandyq sotynda ótken brifingte aityldy.
Alataý aýdandyq sotynyń tóraǵasy Dáýren Tileýbaev tizginin ustaǵan jiynǵa Almaty qalasy Alataý aýdany boiynsha memlekettik kirister basqarmasynyń ókili Sultan Nurmuhanbet, Alataý aýdanynyń bólim prokýrory Ernar Sarjan, Alataý aýdandyq sotynyń sýdialary men aýdandyq sottyń keńse meńgerýshisi jáne ózge de sot mamandary qatysty. «Sot kabineti» servisi sot údirisin áldeqaida jeńildetti. Qazir aryz, shaǵym jáne basqalary sotqa osy «Sot kabineti» arqyly kelip túsedi jáne bul kórsetkish jyl saiyn artyp keledi. «Sot kabineti» servisi arqyly kelip túsken aryzdar burynǵydai qaǵazǵa basyp shyǵarylmaidy. Muny atalmysh jańashyldyqtyń el kóńilinen shyqqany dep baǵalaýǵa bolady. Óitkeni, búgingi kúni kez kelgen azamat, advokat úiinde nemese jumys ornynda otyryp-aq sotqa tiisti talabyn «Sot kabineti» arqyly jibere alady. Sonymen qatar, istiń qaralý barysyn baqylaýǵa da servis múmkindik berip otyr», – dedi aýdandyq sot tóraǵasy servis qyzmetiniń jetistikterin aita kele.
Málim bolǵandai, «Sot kabineti» servisi elektrondy nusqada birshama qyzmet túrin beredi jáne jyl saiyn odan alýǵa bolatyn qyzmet túrleriniń sany arttyrylyp keledi.
Ult portaly
