Mańǵystaý oblysynyń ákimi Serikbai Trumov halyqpen onlain kezdesýinde turǵyndardyń suraǵyna jaýap berdi. Sonyń ishinde densaýlyq saqtaý basqarmasynyń basshysy Jamal Jamanbaevanyń isine qatysty pikir bildirdi.
«Árine, Jamal Ábdibekqyzy myqty maman. Talai náresteniń ómirge kelýine sebepshi boldy, myńdaǵan anany ólimnen arashalap alyp qaldy, jumysyna adal, adamgershiligi mol. Dál qazir ol kisi súrindi me, súrinbedi me, naqty aita almaimyn. Ony quzyrly organdar sheshedi jáne ádil sheshim bolatynyna senemin. Men ol kisini kóp jyldar tanimyn, men de qatty ýaiymdaimyn, tipti, kei kezde uiqy da qashyp ketedi. Ádil sheshim bolatynyna men senemin»,-dedi S.Trumov.
Buǵan deiin QR Sybailas jemqorlyqqa qarsy is-qimyl agenttigi Mańǵystaý oblystyq Densaýlyq saqtaý basqarmasy basshylarynyń biri ustalǵanyn rastaǵan bolatyn.
