Foto: ashyq derekkózden
Álemdik ekonomikadaǵy týrizmniń úlesi 9,2% qurap, 9,5 trln. dollarǵa jetti. Al, Qazaqstannyń týrizm salasy ekonomikanyń tek 3,9%-yn ǵana alyp otyr dep málimdedi depýtat Nurgúl Taý májilistiń kezekti otyrysynda.
Májilismen Qazaqstanda týrizm salasynyń damýyna kedergi jasap otyrǵan máselelerdiń biri týristtik infraqurylymnyń álsizdigi ekenin aityp otyr.
"Atap aitqanda, týristtik aýmaqtar tamaqtaný jáne gigienalyq oryndarmen tiisti deńgeide qamtylmaǵan. Budan bólek, logistika máselesi bar. Mysaly, týristterdiń kóptep baratyn jerine ainalǵan Alakólge aparatyn poezdyń jaǵdaiy jan túrshiktiredi. Sondai-aq, shalǵai týristtik mekenderde sapaly bailanystyń joq ekeni de belgili. Atalǵan máseleni sheshý úshin memlekettik-jekemenshik áriptestikti qoldana otyryp, avtomagistraldardyń ár 100 shaqyrymynda tolyǵymen qamtylǵan qonaq úi ashý qajet. Bul úrdis birqatar Eýropalyq elderde keńinen taralǵan", -dedi depýtat.
Sondai-aq Nurgúl Taý týrizmdi damytýǵa múldem qarajat bólinbegenin aityp, másele kóterdi.
"Qazaqstanda 2021 jyldan bastap Týrizm men sportty qoldaý biýdjetten tys qory jumys istep keledi. Qordyń múlikti paidalaný týraly esepterine sáikes Qordan 2021-2022 jyldary 51 mlrd.teńge tek sport salasyna ǵana bólingen. Al, týrizmdi damytýǵa múldem qarajat bólingen joq. Sondai-aq, Qordyń Jarǵysyna týrizmdi damytýǵa qatysty ereje tek ótken jyly ǵana engizilgen. Osyǵan bailanysty, atalǵan Qordan bólip shyǵarý arqyly «Týristik salany damytý qoryn» qurýdy qarastyrýyńyzdy suraimyn. Bul týristik salaǵa bólinetin qarajattyń tiimdi jumsalýyn arttyrady dep senemin", -deidi depýtat Taý.
Budan bólek, sheberhanalar men qolóner týyndylaryn týristterge satýǵa arnalǵan biregei alańnyń joqtyǵy depýtatty alańdatyp, osyǵan orai, basym týristik aýmaqtarda qolónershiler ortalyqtaryn ashý jáne ózara integratsiialanǵan qolóner marketpleisin qurýdy usyndy.
Sondai-aq, Qazaqstandyq týrizmniń tartymdylyǵyna kóp kóńil bólý qajet degendi aitty. Jáne búgingi tańda saiahattaýdyń tanymal túri keme krýizi salasynda ózgerister joqtyǵy alańdatyp otyr.
"Altynshy – qazir elge kelgen sheteldik týrist Google izdeý júiesine «Qazaqstannyń kórnekti oryndary» dep aǵylshynsha terse, birinshi 10 siltemeniń arasynan qazaqstandyq resmi saitty taba almaidy.
Bizde bar eQonaq qosymshasyn qazaqsha «qonaq» sózin túsinbeitin týrist Google izdeý júiesinde qaidan tabady? Sondyqtan osy máseleni de qolǵa alý usynylady. Jetinshiden, Eńbek kodeksine sáikes jumysker vahtalyq jumysta 30 kún bolsa, taǵy 30 kún demalýy tiis. Degenmen, kóptegen týristtik obektiler jylyna 90 kún ǵana isteidi. Sondyqtan, kásipkerler bir orynǵa jylyna keminde eki jumysker aýystyrýǵa májbúr. Bul týristterge kórsetiletin qyzmet sapasyna keri áserin tigizip qana qoimai, kásipkerlerge qosymsha shyǵyn ákeledi.
Bul máseleni sheshý úshin týristtik salanyń ereksheligin eskere otyryp, qarastyrýdy usynamyn", -dedi depýtat N. Taý.
