Foto: Polisia.kz
Qazaqstan, Qyrǵyzstan jáne Reseidiń Ishki ister ministrlikteri birlesip júrgizgen operatsiia nátijesinde TMD elderiniń azamattaryna internet-alaiaqtyq jasaǵan qylmystyq top áshkerelendi, dep habarlaidy Ult.kz.
8 qyrkúiekte kúdikti Bishkekte ustaldy. Onyń jalǵa alǵan páterin tintý kezinde 32 slotty sim-boks, 70-ten astam ózge tulǵalardyń atyna rásimdelgen SIM-karta, IP-adresterdi jasyrýǵa arnalǵan qurylǵylar, kompiýterler men telefondar tabylyp, tárkilendi. Aldyn ala málimet boiynsha, ol bul áreketteri úshin aptasyna 500 AQSh dollary kóleminde syiaqy alyp otyrǵan.
Mundai qurylǵylar qylmyskerlerge bankter, memlekettik organdar men marketpleisterdiń atynan jappai jalǵan qońyraýlar shalyp, habarlamalar jiberýge múmkindik beredi. Nátijesinde azamattardyń qarjysy men jeke derekteri urlanǵan.
Jalpy jyl basynan beri Kiberqylmysqa qarsy is-qimyl departamenti 77 sim-boksty jáne alaiaqtar paidalanǵan 90 myńǵa jýyq SIM-kartany tárkilegen.
Aita keteiik, 16 qyrkúiekten bastap droptardyń is-áreketine jaýapkershilik engizý, onlain-nesie rásimdeýdi shekteý jáne SIM-kartalardyń ainalymyn retteý týraly jańa zań normalary kúshine enedi.
