فوتو: Polisia.kz
قازاقستان, قىرعىزستان جەنە رەسەيدٸڭ ٸشكٸ ٸستەر مينيسترلٸكتەرٸ بٸرلەسٸپ جٷرگٸزگەن وپەراتسييا نەتيجەسٸندە تمد ەلدەرٸنٸڭ ازاماتتارىنا ينتەرنەت-الاياقتىق جاساعان قىلمىستىق توپ ەشكەرەلەندٸ, دەپ حابارلايدى Ult.kz.
8 قىركٷيەكتە كٷدٸكتٸ بٸشكەكتە ۇستالدى. ونىڭ جالعا العان پەتەرٸن تٸنتۋ كەزٸندە 32 سلوتتى سيم-بوكس, 70-تەن استام ٶزگە تۇلعالاردىڭ اتىنا رەسٸمدەلگەن SIM-كارتا, IP-ادرەستەردٸ جاسىرۋعا ارنالعان قۇرىلعىلار, كومپيۋتەرلەر مەن تەلەفوندار تابىلىپ, تەركٸلەندٸ. الدىن الا مەلٸمەت بويىنشا, ول بۇل ەرەكەتتەرٸ ٷشٸن اپتاسىنا 500 اقش دوللارى كٶلەمٸندە سىياقى الىپ وتىرعان.
مۇنداي قۇرىلعىلار قىلمىسكەرلەرگە بانكتەر, مەملەكەتتٸك ورگاندار مەن ماركەتپلەيستەردٸڭ اتىنان جاپپاي جالعان قوڭىراۋلار شالىپ, حابارلامالار جٸبەرۋگە مٷمكٸندٸك بەرەدٸ. نەتيجەسٸندە ازاماتتاردىڭ قارجىسى مەن جەكە دەرەكتەرٸ ۇرلانعان.
جالپى جىل باسىنان بەرٸ كيبەرقىلمىسقا قارسى ٸس-قيمىل دەپارتامەنتٸ 77 سيم-بوكستى جەنە الاياقتار پايدالانعان 90 مىڭعا جۋىق SIM-كارتانى تەركٸلەگەن.
ايتا كەتەيٸك, 16 قىركٷيەكتەن باستاپ دروپتاردىڭ ٸس-ەرەكەتٸنە جاۋاپكەرشٸلٸك ەنگٸزۋ, ونلاين-نەسيە رەسٸمدەۋدٸ شەكتەۋ جەنە SIM-كارتالاردىڭ اينالىمىن رەتتەۋ تۋرالى جاڭا زاڭ نورمالارى كٷشٸنە ەنەدٸ.
