AQSh-tyń bas prokýrory jáne Ádilet ministri Ýiliam Barr prezident Donald Tramptyń Twitter-degi jazbalary Ádilet ministrliginiń jumysyna kedergi keltiretinin málimdedi, dep habarlaidy AVS News telearnasy.
Ol prezidentten qylmystyq ister týraly tvit jazyp, sol isterge bailanysty resmi málimdeme jasaýdy doǵarýyn surady.
Bas prokýrordyń aitýynsha, D.Tramptyń prezidenttiń burynǵy keńesshisi Rodjer Stoýnnyń isine qatysty jazbalary ministrlik jumysyn qiyndatýda.
«Tramp jeke ózime bul is boiynsha eshteńe aitpady. Al onyń ministrlik, vedomstvo qyzmetkerleri, sýdialar týraly jazbalary bizge kedergi jasaidy. Qylmystyq ister týraly tvit jazýdy doǵaratyn ýaqyt keldi. Sebebi bul mindet Ádilet ministrliginiń quzyrynda», - dedi ministr.
Aita ketý kerek, AQSh basshysy qańtar aiynda Twitter-ge bir kúnde jariialaǵan jazbalardyń sany boiynsha óz rekordyn jańartqan bolatyn.
