AQSh prezidenti Donald Tramp Ortalyq barlaý basqarmasy (TsRÝ) Saýd Arabiiasynyń taq murageri Muhammed ben Salman oppozitsiialyq jýrnalist Jamal Hashoggidi óltirýge tapsyrma berdi dep sanamaitynyn málimdedi.
TsRÝ basshylary amerikalyq BAQ-qa mundai operatsiia júrgizý úshin ony taq murageri maquldaýy keregin aitty. Biraq Saýd Arabiiasynyń biligi operatsiiany "qatygezdik" dep ataǵan.
Tramp Floridada jýrnalisterdiń "TsRÝ qastandyqty qalai baǵalaidy?" degen suraǵyna "Olar taq murageri tapsyrys berdi degen qorytyndy jasaǵan joq" dep jaýap berdi.
Tramp mundai málimdeme jasaǵan ýaqytta Saýd Arabiiasynyń taq murageri Muhammed ben Salman Taiaý Shyǵys elderine saparyn bastady. Jamal Hashoggidiń qazasynan soń birinshi ret shetelge resmi túrde shyǵyp otyrǵan Salman aldymen Birikken Arab Ámirlikterine bardy.
Washington Post gazetiniń tilshisi Jamal Hashoggi qazan aiynyń basynda Saýd Arabiiasynyń Stambýldaǵy konsýldyǵynda qaza bolǵan. Jýrnalist sońǵy jyldary Er-Riiadtyń saiasatyn qatań synap júrgen. Túrkiia men AQSh jýrnalistiń ólimine Saýd Arabiiasynyń joǵary biligi, onyń ishinde taq murageri Muhammed ben Salmannyń qatysy bolýy múmkin dep sanaidy.
Jýrnalistiń denesi áli tabylǵan joq. Saýd Arabiiasynyń biligi Hashoggidiń ólimine kúdikti 21 adamnyń ustalǵanyn habarlaǵanymen, qastandyqqa qatysy baryn joqqa shyǵarǵan. Bul is boiynsha kúdikti 11 adamnyń isi sotqa berildi. Saýd Arabiiasynyń prokýrory olardyń beseýine ólim jazasyn surady.
