اقش پرەزيدەنتٸ دونالد ترامپ ورتالىق بارلاۋ باسقارماسى (تسرۋ) ساۋد ارابيياسىنىڭ تاق مۇراگەرٸ مۇحاممەد بەن سالمان وپپوزيتسييالىق جۋرناليست جامال حاشوگگيدٸ ٶلتٸرۋگە تاپسىرما بەردٸ دەپ سانامايتىنىن مەلٸمدەدٸ.
تسرۋ باسشىلارى امەريكالىق باق-قا مۇنداي وپەراتسييا جٷرگٸزۋ ٷشٸن ونى تاق مۇراگەرٸ ماقۇلداۋى كەرەگٸن ايتتى. بٸراق ساۋد ارابيياسىنىڭ بيلٸگٸ وپەراتسييانى "قاتىگەزدٸك" دەپ اتاعان.
ترامپ فلوريدادا جۋرناليستەردٸڭ "تسرۋ قاستاندىقتى قالاي باعالايدى?" دەگەن سۇراعىنا "ولار تاق مۇراگەرٸ تاپسىرىس بەردٸ دەگەن قورىتىندى جاساعان جوق" دەپ جاۋاپ بەردٸ.
ترامپ مۇنداي مەلٸمدەمە جاساعان ۋاقىتتا ساۋد ارابيياسىنىڭ تاق مۇراگەرٸ مۇحاممەد بەن سالمان تاياۋ شىعىس ەلدەرٸنە ساپارىن باستادى. جامال حاشوگگيدٸڭ قازاسىنان سوڭ بٸرٸنشٸ رەت شەتەلگە رەسمي تٷردە شىعىپ وتىرعان سالمان الدىمەن بٸرٸككەن اراب ەمٸرلٸكتەرٸنە باردى.
Washington Post گازەتٸنٸڭ تٸلشٸسٸ جامال حاشوگگي قازان ايىنىڭ باسىندا ساۋد ارابيياسىنىڭ ستامبۋلداعى كونسۋلدىعىندا قازا بولعان. جۋرناليست سوڭعى جىلدارى ەر-رييادتىڭ ساياساتىن قاتاڭ سىناپ جٷرگەن. تٷركييا مەن اقش جۋرناليستٸڭ ٶلٸمٸنە ساۋد ارابيياسىنىڭ جوعارى بيلٸگٸ, ونىڭ ٸشٸندە تاق مۇراگەرٸ مۇحاممەد بەن سالماننىڭ قاتىسى بولۋى مٷمكٸن دەپ سانايدى.
جۋرناليستٸڭ دەنەسٸ ەلٸ تابىلعان جوق. ساۋد ارابيياسىنىڭ بيلٸگٸ حاشوگگيدٸڭ ٶلٸمٸنە كٷدٸكتٸ 21 ادامنىڭ ۇستالعانىن حابارلاعانىمەن, قاستاندىققا قاتىسى بارىن جوققا شىعارعان. بۇل ٸس بويىنشا كٷدٸكتٸ 11 ادامنىڭ ٸسٸ سوتقا بەرٸلدٸ. ساۋد ارابيياسىنىڭ پروكۋرورى ولاردىڭ بەسەۋٸنە ٶلٸم جازاسىن سۇرادى.
