AQSh prezidenti Donald Tramp Soltústik Koreianyń iadrolyq daǵdarysynyń "sheshimin tabýǵa áli erte" ekenin málimdep, Phenianniń iadrolyq jáne zymyran synaǵyn ýaqytsha toqtatý týraly málimdemesine qatysty optimistik kóńil-kúidi basty.
"Biz Soltústik Koreia máselesin sheshýden áli alys turmyz. Múmkin, barlyǵy rettelip keter, bálkim rettelmes: tek ýaqyt tóreshi. Biraq meniń qazir jasap jatqanymdy baiaǵyda-aq jasaý kerek edi" dep jazdy Tramp Twitter-de.
Jeksenbide Ońtústik Koreiada sońǵy on jyldaǵy Soltústik Koreia men AQSh basshylarynyń alǵashqy kezdesýine daiyndyq qyzý júrgizilip jatqany habarlanǵan. Kezdesýdiń qashan jáne qaida ótetini týraly ázirge resmi málimet joq.
