AQSh prezidenti Donald Tramp Máskeýge AQSh-taǵy sailaý protsesine aralaspaýdy eskertti jáne Reseidi Ýkrainamen qarym-qatynasty retteýge shaqyrdy. 10 jeltoqsanda Vashingtondaǵy Donald Tramp pen Reseidiń syrtqy ister ministri Sergei Lavrovpen kezdesýinen keiin Aq úi taratqan málimdemede osylai dep jazylǵan.
Aq úi habarlamasyna sáikes, Tramp "qarýlanýdy álem bolyp tiimdi basqarý saiasatyna" qoldaý bildirgen. Ol Máskeýdi AQSh-tyń iadrolyq qarý jasaýǵa jol bermeý talpynysyn qoldaýǵa shaqyryp, Korei túbegin qarýsyzdandyrýǵa atsalysýǵa úndegen.
Parijdegi "norman tórttigi" sammitinen keiin bir kún ótkennen keiin Lavrov Vashingtonǵa baryp otyr.
10 jeltoqsanda Vashingtonda AQSh memlekettik hatshysy Maik Pompeo Sergei Lavrovpen kezdesken. Ekeýi de AQSh pen Resei arasyndaǵy qarym-qatynasqa kedergi keltiretin mańyzdy suraqtardy qozǵaýǵa ynta bildirmegen. Olar halyqaralyq jáne eki memleket qarym-qatynasyna bailanysty birqatar máselelerdi atap aitqanda, Soltústik Koreiany iadrolyq qarýdan aryltý, Venesýeladaǵy biliktiń aýysýy, Ýkrainadaǵy beibitshilik jáne Reseidiń 2016 jylǵy AQSh-taǵy sailaýǵa aralasýy jáne ózge máselerdi talqylaǵan.
