اقش پرەزيدەنتٸ دونالد ترامپ مەسكەۋگە اقش-تاعى سايلاۋ پروتسەسٸنە ارالاسپاۋدى ەسكەرتتٸ جەنە رەسەيدٸ ۋكراينامەن قارىم-قاتىناستى رەتتەۋگە شاقىردى. 10 جەلتوقساندا ۆاشينگتونداعى دونالد ترامپ پەن رەسەيدٸڭ سىرتقى ٸستەر مينيسترٸ سەرگەي لاۆروۆپەن كەزدەسۋٸنەن كەيٸن اق ٷي تاراتقان مەلٸمدەمەدە وسىلاي دەپ جازىلعان.
اق ٷي حابارلاماسىنا سەيكەس, ترامپ "قارۋلانۋدى ەلەم بولىپ تيٸمدٸ باسقارۋ ساياساتىنا" قولداۋ بٸلدٸرگەن. ول مەسكەۋدٸ اقش-تىڭ يادرولىق قارۋ جاساۋعا جول بەرمەۋ تالپىنىسىن قولداۋعا شاقىرىپ, كورەي تٷبەگٸن قارۋسىزداندىرۋعا اتسالىسۋعا ٷندەگەن.
پاريجدەگٸ "نورمان تٶرتتٸگٸ" سامميتٸنەن كەيٸن بٸر كٷن ٶتكەننەن كەيٸن لاۆروۆ ۆاشينگتونعا بارىپ وتىر.
10 جەلتوقساندا ۆاشينگتوندا اقش مەملەكەتتٸك حاتشىسى مايك پومپەو سەرگەي لاۆروۆپەن كەزدەسكەن. ەكەۋٸ دە اقش پەن رەسەي اراسىنداعى قارىم-قاتىناسقا كەدەرگٸ كەلتٸرەتٸن ماڭىزدى سۇراقتاردى قوزعاۋعا ىنتا بٸلدٸرمەگەن. ولار حالىقارالىق جەنە ەكٸ مەملەكەت قارىم-قاتىناسىنا بايلانىستى بٸرقاتار مەسەلەلەردٸ اتاپ ايتقاندا, سولتٷستٸك كورەيانى يادرولىق قارۋدان ارىلتۋ, ۆەنەسۋەلاداعى بيلٸكتٸڭ اۋىسۋى, ۋكرايناداعى بەيبٸتشٸلٸك جەنە رەسەيدٸڭ 2016 جىلعى اقش-تاعى سايلاۋعا ارالاسۋى جەنە ٶزگە مەسەلەردٸ تالقىلاعان.
