Foto: Evan Vucci/AP
AQSh-tyń jańadan sailanǵan prezidenti Donald Tramp beisenbi kúni Resei prezidenti Vladimir Pýtinmen telefon arqyly sóilesip, Ýkrainadaǵy soǵysty talqylady.
BBC NEWS Washington Post-qa silteme jasai otyryp habarlaǵandai, Tramp Pýtinmen sóilesip, Resei basshysynan Ýkrainadaǵy jaǵdaidy ýshyqtyrmaýdy ótindi.
Kúmándi áńgimege resmi túsiniktemeler berilgen joq, BBC NEWS bul málimetti derbes rastaý múmkin emes ekenin de atap ótti.
WP-nyń málimetinshe, Donald Tramp 7 qarasha kúni Floridadaǵy rezidentsiiasynan Vladimir Pýtinge qońyraý shalǵan. Basylymnyń deregine sáikes, olar Eýropa qurlyǵyndaǵy beibitshilikti ornatý máselesin talqylaǵan. Tramp sondai-aq aldaǵy kelissózderge qyzyǵýshylyq tanytyp, «Ýkrainadaǵy qaqtyǵystyń tezirek aiaqtalýy» týraly pikir almasýǵa niet bildirgen, jáne Resei prezidentine Eýropadaǵy AQSh-tyń áskeri kúshteriniń aitarlyqtai ekendigin eske salyp, jaǵdaidy ýshyqtyrmaýǵa keńes bergen.
Washington Post-tyń habarlaýynsha, Kiev Tramp pen Pýtinniń áńgimesinen habardar bolǵan jáne oǵan qarsy bolmaǵan.
Alaida Ýkraina Syrtqy ister ministrligi muny joqqa shyǵardy.
«Ýkrain taraptyń boljaldy qońyraý týraly aldyn ala habardar bolǵany týraly aqparat shyndyqqa janaspaidy. Tiisinshe, Ýkraina bul áńgimeni qoldai da, qarsy bola da almady», – dep málimdedi Ýkraina Syrtqy ister ministrliginiń ókili Georgii Tihii Reuters-ke bergen suhbatynda.
.jpg)