ترامپ پۋتينمەن سٶيلەستٸ. كيەۆ بۇدان بەيحابار

فوتو: Evan Vucci/AP

اقش-تىڭ جاڭادان سايلانعان پرەزيدەنتٸ دونالد ترامپ بەيسەنبٸ كٷنٸ رەسەي پرەزيدەنتٸ ۆلاديمير پۋتينمەن تەلەفون ارقىلى سٶيلەسٸپ, ۋكرايناداعى سوعىستى تالقىلادى.

BBC NEWS Washington Post-قا سٸلتەمە جاساي وتىرىپ حابارلاعانداي, ترامپ پۋتينمەن سٶيلەسٸپ, رەسەي باسشىسىنان ۋكرايناداعى جاعدايدى ۋشىقتىرماۋدى ٶتٸندٸ.

كٷمەندٸ ەڭگٸمەگە رەسمي تٷسٸنٸكتەمەلەر بەرٸلگەن جوق, BBC NEWS بۇل مەلٸمەتتٸ دەربەس راستاۋ مٷمكٸن ەمەس ەكەنٸن دە اتاپ ٶتتٸ.

WP-نىڭ مەلٸمەتٸنشە, دونالد ترامپ 7 قاراشا كٷنٸ فلوريداداعى رەزيدەنتسيياسىنان ۆلاديمير پۋتينگە قوڭىراۋ شالعان. باسىلىمنىڭ دەرەگٸنە سەيكەس, ولار ەۋروپا قۇرلىعىنداعى بەيبٸتشٸلٸكتٸ ورناتۋ مەسەلەسٸن تالقىلاعان. ترامپ سونداي-اق الداعى كەلٸسسٶزدەرگە قىزىعۋشىلىق تانىتىپ, «ۋكرايناداعى قاقتىعىستىڭ تەزٸرەك اياقتالۋى» تۋرالى پٸكٸر الماسۋعا نيەت بٸلدٸرگەن, جەنە رەسەي پرەزيدەنتٸنە ەۋروپاداعى اقش-تىڭ ەسكەري كٷشتەرٸنٸڭ ايتارلىقتاي ەكەندٸگٸن ەسكە سالىپ, جاعدايدى ۋشىقتىرماۋعا كەڭەس بەرگەن.

Washington Post-تىڭ حابارلاۋىنشا, كيەۆ ترامپ پەن پۋتيننٸڭ ەڭگٸمەسٸنەن حاباردار بولعان جەنە وعان قارسى بولماعان.

الايدا ۋكراينا سىرتقى ٸستەر مينيسترلٸگٸ مۇنى جوققا شىعاردى.

«ۋكراين تاراپتىڭ بولجالدى قوڭىراۋ تۋرالى الدىن الا حاباردار بولعانى تۋرالى اقپارات شىندىققا جاناسپايدى. تيٸسٸنشە, ۋكراينا بۇل ەڭگٸمەنٸ قولداي دا, قارسى بولا دا المادى», – دەپ مەلٸمدەدٸ ۋكراينا سىرتقى ٸستەر مينيسترلٸگٸنٸڭ ٶكٸلٸ گەورگيي تيحيي Reuters-كە بەرگەن سۇحباتىندا.