Móldir Muqan áleýmettik jelidegi jazbasynda kópshilikten kórip júrgen qoldaýy týraly aityp, ózine jyly sóz arnaǵan oqyrmandaryna alǵys bildirdi, dep habarlaidy ult.kz.

Onyń aitýynsha, qaida barsa da adamdar yqylasyn tanytyp, kóńilin kóterip jatady. Úlkender mańdaiynan súiip, arqasynan qaqsa, qatarlastary shaiǵa shaqyryp, syilyq berip, qushaǵyna basady. Al jastar birge sýretke túsip, qurmet kórsetedi.

“Sábi Móldir, erke Móldirdi oiatqan árbir oqyrmanyma alǵys aitamyn. Ras, sizder erkeletkende ózimdi bópe, sábi sezinemin”, – dep jazdy ol.

Móldir Muqan Instagram-daǵy oqyrmandarynyń aq tilegi men batasy ózine erekshe kúsh berip júrgenin jetkizdi.

“Maǵan berip otyrǵan batalaryńyz qabyl bolsyn. Jaqsy tilekterińiz meni keremet qanattandyryp júr”, – dedi jazba avtory.

Aita keteiik, Móldir Muqan sý jańa páter aldy.

Móldir Muqan kim? 
 

Móldir Muqan – qazaqstandyq prodiýser, ánshi ári bloger. Kópshilikke Móldir Muqanova esimimen de tanys. Shyǵarmashylyqpen ainalysyp, áleýmettik jelide otbasy, ana bolý jáne ómirlik tájiribesi týraly oi bólisedi. Suhbattarynda ánshilikke uzaq úzilisten keiin qaita oralǵanyn aitqan.

Ol ázilkesh Tursynbek Qabatovtyń burynǵy jubaiy retinde de kópshilikke belgili. Jýrnalist Janar Baisemizge bergen suhbatynda nekesiniń buzylýy men ómirindegi ózgerister týraly ashyq áńgimelegen. Kino salasynda da jumys isteidi: onyń esimi “Shái v bolshom gorode” filminiń shyǵarmashylyq quramynda kórsetilgen.