Qazaqstanda týristik biznesti qoldaý sharalaryna 2026 jyldyń tamyzynda birqatar ózgeris engizildi. Jańa talaptar kásipkerlerge qoiylatyn sharttardy naqtylaýǵa, rásimderdi jeńildetýge jáne biýdjet qarajatynyń tiimdi jumsalýyn qamtamasyz etýge baǵyttalǵan, dep habarlaidy ult.kz.
«Kids Go Free» baǵdarlamasy
Baǵdarlama aiasynda týristik ónimdi ishki týrizm salasyndaǵy týroperatorlar qalyptastyrýy kerek. Onyń quramyna:
- kámeletke tolmaǵan jolaýshynyń barý jáne qaitý baǵytyndaǵy ekonom-klasty áýe biletteri;
- týristerdi ornalastyrý oryndarynda keminde eki tún bolý qyzmeti kiredi.
Kelý týrizmine beriletin sýbsidiia
Sheteldik týrist Qazaqstanda keminde alty tún bolǵan jaǵdaida týroperatorǵa ár týrist úshin 15 myń teńge sýbsidiia tólenedi. Bul shara sheteldik qonaqtardyń elde bolý merzimin uzartýǵa jáne óńirlerdegi týristik qyzmetterge suranysty arttyrýǵa baǵyttalǵan.
Týristik infraqurylymǵa jumsalǵan shyǵyn óteledi
Kásipkerlerge arnalǵan qoldanystaǵy memlekettik qoldaý sharalary saqtaldy. Atap aitqanda:
- taý shańǵysy kýrorttaryna arnalǵan tehnika men jabdyqtardy, týristik avtobýstardy satyp alý shyǵynynyń 25%-y óteledi;
- jol boiyndaǵy servis nysandaryn, týristik aqparattyq ortalyqtar men týristerdi ornalastyrý oryndaryn salý shyǵynynyń 10%-y óteledi.
Sanitariialyq toraptarǵa sýbsidiia saqtaldy
Sanitariialyq-gigienalyq toraptarǵa ai saiyn beriletin 83,3 myń teńge kólemindegi sýbsidiia burynǵydai tólenedi. Sonymen qatar olardyń turaqty jumys isteýi men qyzmet kórsetý sapasyna monitoring júrgiziledi.
Basym týristik aýmaqtardy óńirler anyqtaidy
Endi óńirler ózderiniń erekshelikteri men týristik áleýetin eskere otyryp, basym týristik aýmaqtardy ózderi aiqyndai alady. Bul týristik áleýeti joǵary jerlerdi damytýǵa múmkindik beredi.
