Foto: www.washingtonpost.com
AQSh-tyń jańadan sailanǵan prezidenti Donald Tramptyń komandasy Memlekettik departamenttegi keibir joǵary laýazymdy diplomattardyń otstavkaǵa ketýin talap etti. Bul sharalar Djo Baidenniń ketken ákimshiligimen «sheshýshi úzilis» kórsetýge arnalǵan. Bul týraly keshe, 19 qańtarda «The Washington Post» óz derekkózderiniń málimetterine súienip jazǵan, dep habarlaidy Ult.kz.
Basylymyń habarlaýynsha, ondaǵan diplomat Tramptyń kómekshilerinen nusqaý alǵan soń, búgin otstavkaǵa ketedi. Otstavkaǵa ketýi suralǵandardyń qatarynda Memlekettik hatshynyń saiasi máseleler jónindegi orynbasary Djon Bass pen energetikalyq resýrstar jónindegi kómekshisi Djeffri Paiett bar.
Diplomattardyń biri Tramp komandasynyń bul máseleni "professionaldy túrde sheshkenin" atap ótti. Onyń aitýynsha, jańa ákimshilik óz oryndaryna buryn birge jumys istegen adamdardy taǵaiyndaýdy kózdep otyr.
Laýazymdardyń biri Liza Kennaǵa buiyrmaq. Ol Tramptyń birinshi prezidenttik kezeńinde Memlekettik departamentte atqarýshy hatshy qyzmetin atqarǵan.
Tramptyń inaýgýratsiiasy 20 qańtar kúni tús kezinde ótedi. Qatty aiazǵa bailanysty (shamamen -11°C) ol dástúrli túrde Kongress ǵimaraty aldynda emes, alǵash ret Rotýnda zalynda ótedi.
Aita ketý kerek, qazirde ǵimarat ainalasynda qaýipsizdik sharalary kúsheitilgen. Aq úi men Kongress mańyndaǵy úlken aýmaq jabylyp, Kapitolii tóbesi qorshaýǵa alynǵan.
.jpg)
