فوتو: www.washingtonpost.com
اقش-تىڭ جاڭادان سايلانعان پرەزيدەنتٸ دونالد ترامپتىڭ كومانداسى مەملەكەتتٸك دەپارتامەنتتەگٸ كەيبٸر جوعارى لاۋازىمدى ديپلوماتتاردىڭ وتستاۆكاعا كەتۋٸن تالاپ ەتتٸ. بۇل شارالار دجو بايدەننٸڭ كەتكەن ەكٸمشٸلٸگٸمەن «شەشۋشٸ ٷزٸلٸس» كٶرسەتۋگە ارنالعان. بۇل تۋرالى كەشە, 19 قاڭتاردا «The Washington Post» ٶز دەرەككٶزدەرٸنٸڭ مەلٸمەتتەرٸنە سٷيەنٸپ جازعان, دەپ حابارلايدى Ult.kz.
باسىلىمىڭ حابارلاۋىنشا, ونداعان ديپلومات ترامپتىڭ كٶمەكشٸلەرٸنەن نۇسقاۋ العان سوڭ, بٷگٸن وتستاۆكاعا كەتەدٸ. وتستاۆكاعا كەتۋٸ سۇرالعانداردىڭ قاتارىندا مەملەكەتتٸك حاتشىنىڭ ساياسي مەسەلەلەر جٶنٸندەگٸ ورىنباسارى دجون باسس پەن ەنەرگەتيكالىق رەسۋرستار جٶنٸندەگٸ كٶمەكشٸسٸ دجەففري پايەتت بار.
ديپلوماتتاردىڭ بٸرٸ ترامپ كومانداسىنىڭ بۇل مەسەلەنٸ "پروفەسسيونالدى تٷردە شەشكەنٸن" اتاپ ٶتتٸ. ونىڭ ايتۋىنشا, جاڭا ەكٸمشٸلٸك ٶز ورىندارىنا بۇرىن بٸرگە جۇمىس ٸستەگەن ادامداردى تاعايىنداۋدى كٶزدەپ وتىر.
لاۋازىمداردىڭ بٸرٸ ليزا كەنناعا بۇيىرماق. ول ترامپتىڭ بٸرٸنشٸ پرەزيدەنتتٸك كەزەڭٸندە مەملەكەتتٸك دەپارتامەنتتە اتقارۋشى حاتشى قىزمەتٸن اتقارعان.
ترامپتىڭ يناۋگۋراتسيياسى 20 قاڭتار كٷنٸ تٷس كەزٸندە ٶتەدٸ. قاتتى ايازعا بايلانىستى (شامامەن -11°C) ول دەستٷرلٸ تٷردە كونگرەسس عيماراتى الدىندا ەمەس, العاش رەت روتۋندا زالىندا ٶتەدٸ.
ايتا كەتۋ كەرەك, قازٸردە عيمارات اينالاسىندا قاۋٸپسٸزدٸك شارالارى كٷشەيتٸلگەن. اق ٷي مەن كونگرەسس ماڭىنداعى ٷلكەن اۋماق جابىلىپ, كاپيتوليي تٶبەسٸ قورشاۋعا الىنعان.
.jpg)
