© AP Photo / Alex Brandon
AQSh prezidenti Donald Tramp Izrail parlamentinde sóilegen sózinde Gaza sektoryndaǵy qaqtyǵystyń resmi túrde aiaqtalǵanyn málimdedi, dep habarlaidy BILD.
Izrailge arnaiy saparmen barǵan Tramp jýrnalisterdiń «Gazadaǵy soǵys resmi túrde aiaqtaldy ma?» degen suraǵyna qysqa da nyq jaýap berdi:
– Iá. Bul – uly kún. Bul múlde jańa kezeńniń bastaýy. Kóshelerden erekshe súiispenshilikti sezindim. Buryn-sońdy mundai bolmaǵan shyǵar, – dedi ol.
Prezident sózinde Taiaý Shyǵystaǵy beibitshilik úderisiniń bastalǵanyna senim bildirdi. Sonymen qatar, tilshilerdiń «eger terrorister atysty toqtatý sharttaryn buzsa, ne bolady?» degen saýalyna Tramp:
– Olar erejeni ustanady, – dep qysqa qaiyrdy.
AQSh kóshbasshysy kepilge alynǵandardyń bosatylýyna da toqtalyp, olardyń erligi men batyldyǵyn atap ótti.
Aita keteiik, Donald Tramp búgin Izrail astanasy Tel-Avivke keldi. Ony eldiń joǵary laýazymdy tulǵalary qarsy aldy. AQSh prezidenti Taiaý Shyǵystaǵy atysty toqtatý sharalaryna qatyspaq.
Sondai-aq Gaza sektorynyń soltústiginde HAMAS ustap otyrǵan izraildik tutqyndar bosatyla bastady. Aldyn ala málimet boiynsha, búgin 20 adam bostandyqqa shyǵýy múmkin.
