ترامپ گازاداعى قاقتىعىستىڭ اياقتالعانىن رەسمي تٷردە راستادى

© AP Photo / Alex Brandon

اقش پرەزيدەنتٸ دونالد ترامپ يزرايل پارلامەنتٸندە سٶيلەگەن سٶزٸندە گازا سەكتورىنداعى قاقتىعىستىڭ رەسمي تٷردە اياقتالعانىن مەلٸمدەدٸ, دەپ حابارلايدى BILD.

يزرايلگە ارنايى ساپارمەن بارعان ترامپ جۋرناليستەردٸڭ «گازاداعى سوعىس رەسمي تٷردە اياقتالدى ما?» دەگەن سۇراعىنا قىسقا دا نىق جاۋاپ بەردٸ:

– يە. بۇل – ۇلى كٷن. بۇل مٷلدە جاڭا كەزەڭنٸڭ باستاۋى. كٶشەلەردەن ەرەكشە سٷيٸسپەنشٸلٸكتٸ سەزٸندٸم. بۇرىن-سوڭدى مۇنداي بولماعان شىعار, – دەدٸ ول.

پرەزيدەنت سٶزٸندە تاياۋ شىعىستاعى بەيبٸتشٸلٸك ٷدەرٸسٸنٸڭ باستالعانىنا سەنٸم بٸلدٸردٸ. سونىمەن قاتار, تٸلشٸلەردٸڭ «ەگەر تەرروريستەر اتىستى توقتاتۋ شارتتارىن بۇزسا, نە بولادى?» دەگەن ساۋالىنا ترامپ:

– ولار ەرەجەنٸ ۇستانادى, – دەپ قىسقا قايىردى.

اقش كٶشباسشىسى كەپٸلگە الىنعانداردىڭ بوساتىلۋىنا دا توقتالىپ, ولاردىڭ ەرلٸگٸ مەن باتىلدىعىن اتاپ ٶتتٸ.

ايتا كەتەيٸك, دونالد ترامپ بٷگٸن يزرايل استاناسى تەل-اۆيۆكە كەلدٸ. ونى ەلدٸڭ جوعارى لاۋازىمدى تۇلعالارى قارسى الدى. اقش پرەزيدەنتٸ تاياۋ شىعىستاعى اتىستى توقتاتۋ شارالارىنا قاتىسپاق.

سونداي-اق گازا سەكتورىنىڭ سولتٷستٸگٸندە حاماس ۇستاپ وتىرعان يزرايلدٸك تۇتقىندار بوساتىلا باستادى. الدىن الا مەلٸمەت بويىنشا, بٷگٸن 20 ادام بوستاندىققا شىعۋى مٷمكٸن.