Amerikalyq kóshbasshy Donald Tramp BUU QK delegatsiiasymen Vashingtonda túski as ishý kezinde Nursultan Nazarbaevtyń AQSh-qa sapary tabysty bolǵanyn aitty, dep habarlaidy "Ult aqparat" QR SIM baspasóz qyzmetine silteme jasap.
«BUU QK otyrysy kezinde Qazaqstannyń turaqty ókili retinde Qairat Omarov kelýshilerdiń nazaryn Nursultan Nazarbaev pen Donald Tramptyń kezdesýleriniń sátti ótkenine aýdardy. Elbasy atalǵan elge qańtar aiynda resmi saparmen barǵan bolatyn. Munymen qatar, Qairat Omarov kezekti otyrysta osy kezdesý barysynda jasalǵan kelisimderge qatysty qandai jumystar júrgizilip jatqandaryn aityp ótti. Al Aq úi basshysy Prezident Nursultan Nazarbaevtyń saparynyń sátti bolǵanyn aityp, sálemdeme joldady», - dep habarlaidy QR SIM beisenbi kúni.
Syrtqy saiasi vedomstvo habarlaýynsha, BUU QK delegatsiiasynyń Vashingtonǵa Qazaqstannyń Qaýipsizdik Keńestegi tóraǵalyǵy aiaqtalatyn kúnderi barǵan.
Esterińizge sala ketsek, Qazaqstan Prezidentiniń biylǵy 16-18 qańtarda Amerika Qurama Shtattaryna resmi saparmen baratyny týraly habarlaǵan bolatynbyz. Onda Nursultan Nazarbaev AQSh prezidenti Donald Tramppen, sondai-aq AQSh-tyń resmi jáne isker toptar ókilderimen kezdesý ótkizedi dep josparlandy. Qazaqstan Respýblikasy Prezidentiniń baspasóz qyzmeti Nursultan Nazarbaevtyń AQSh-qa barǵan sátinen video jariialady. Elbasyn Donald Tramptyń ózi qarsy alyp, muny úlken mártebege balady.
Aq úide ótken kezdesýde Nazarbaev Qazaqstan men AQSh arasynda árdaiym ekijaqty saiasi qarym-qatynas ornaǵanyn aityp ótti. Budan keiin Memleket basshysy AQSh-tyń isker toptar ókilderi, AQSh-tyń energetika ministri jáne «Sheteldik jeke investitsiialar jónindegi Korporatsiia» memlekettik agenttiginiń prezidentimen kezdesti. Sapar sońynda Nazarbaev Tramppen júrgizgen kelissózdiń qorytyndysy boiynsha BAQ úshin brifing ótkizdi.
