AQSh prezidenti Donald Tramp sailaý aldynda bergen ýádeleriniń birin oryndap, Meksikamen shekarada dýal salý týraly jarlyqqa qol qoidy. Sonymen birge, ol dýal salýǵa ketetin qarjyny Meksika ótep beredi degeninen áli de taiǵan joq, - dep habarlaidy BBC News.
Tramptyń sózinshe, Ishki qaýipsizdik ministrligi qurylys jumystaryn birden bastaidy. Munyń aldynda ol dýaldyń AQSh biýdjetinen salynyp, keiin qurylysqa ketken qarajatty Mehiko 100 paiyz qaitarady degen bolatyn. Degenmen, qurylys jumystaryn kongress maquldaý kerek.
"Meniń istep jatqanym - Qurama Shtattardyń igiligi úshin", - dedi ol. Tramp adam asyp óte almaityn dýal milliardtaǵan dollar únemdeýge jáne kóp adamnyń ómirin saqtap qalýǵa múmkindik beredi degen oida. Óitkeni bul transshekaralyq uiymdasqan qylmysty toqtatady. Onyń ústine bul Meksika úshin de paidaly eken.
Jaqyn arada Tramp AQSh-qa bosqyndardyń kelýin, Siriia, Iemen, Irak, Taiaý Shyǵys pen Afrikanyń birneshe elderi azamattaryna viza berýdiń ýaqytsha doǵarylatynyn jariialaýy múmkin.
Zańsyz migratsiiaǵa bóget bolý úshin salynatyn 3,2 myń shaqyrymdyq dýal salý máselesin Tramp byltyrdan beri kóterip keledi. Amerika prezidentiniń esebi boiynsha, qurylys jumystaryna 12 milliard dollar ketedi, degenmen, kóptegen sarapshylar munymen kelispeidi. Olar qurylys jumystaryna ketetin qarjy tym azaitylyp kórsetilgenin aitady.
