اقش پرەزيدەنتٸ دونالد ترامپ سايلاۋ الدىندا بەرگەن ۋەدەلەرٸنٸڭ بٸرٸن ورىنداپ, مەكسيكامەن شەكارادا دۋال سالۋ تۋرالى جارلىققا قول قويدى. سونىمەن بٸرگە, ول دۋال سالۋعا كەتەتٸن قارجىنى مەكسيكا ٶتەپ بەرەدٸ دەگەنٸنەن ەلٸ دە تايعان جوق, - دەپ حابارلايدى BBC News.
ترامپتىڭ سٶزٸنشە, ٸشكٸ قاۋٸپسٸزدٸك مينيسترلٸگٸ قۇرىلىس جۇمىستارىن بٸردەن باستايدى. مۇنىڭ الدىندا ول دۋالدىڭ اقش بيۋدجەتٸنەن سالىنىپ, كەيٸن قۇرىلىسقا كەتكەن قاراجاتتى مەحيكو 100 پايىز قايتارادى دەگەن بولاتىن. دەگەنمەن, قۇرىلىس جۇمىستارىن كونگرەسس ماقۇلداۋ كەرەك.
"مەنٸڭ ٸستەپ جاتقانىم - قۇراما شتاتتاردىڭ يگٸلٸگٸ ٷشٸن", - دەدٸ ول. ترامپ ادام اسىپ ٶتە المايتىن دۋال ميللياردتاعان دوللار ٷنەمدەۋگە جەنە كٶپ ادامنىڭ ٶمٸرٸن ساقتاپ قالۋعا مٷمكٸندٸك بەرەدٸ دەگەن ويدا. ٶيتكەنٸ بۇل ترانسشەكارالىق ۇيىمداسقان قىلمىستى توقتاتادى. ونىڭ ٷستٸنە بۇل مەكسيكا ٷشٸن دە پايدالى ەكەن.
جاقىن ارادا ترامپ اقش-قا بوسقىنداردىڭ كەلۋٸن, سيرييا, يەمەن, يراك, تاياۋ شىعىس پەن افريكانىڭ بٸرنەشە ەلدەرٸ ازاماتتارىنا ۆيزا بەرۋدٸڭ ۋاقىتشا دوعارىلاتىنىن جارييالاۋى مٷمكٸن.
زاڭسىز ميگراتسيياعا بٶگەت بولۋ ٷشٸن سالىناتىن 3,2 مىڭ شاقىرىمدىق دۋال سالۋ مەسەلەسٸن ترامپ بىلتىردان بەرٸ كٶتەرٸپ كەلەدٸ. امەريكا پرەزيدەنتٸنٸڭ ەسەبٸ بويىنشا, قۇرىلىس جۇمىستارىنا 12 ميلليارد دوللار كەتەدٸ, دەگەنمەن, كٶپتەگەن ساراپشىلار مۇنىمەن كەلٸسپەيدٸ. ولار قۇرىلىس جۇمىستارىنا كەتەتٸن قارجى تىم ازايتىلىپ كٶرسەتٸلگەنٸن ايتادى.
