AQSh prezidenti Donald Tramp 6 aqpanda AQSh áskeri "Arabiia túbegindegi Ál-Qaida" ekstremistik tobynyń jetekshisi Kasim ál-Raimidi óltirdi dep málimdedi. Prezidenttiń aitýynsha, sodyrlar jetekshisi Iemende terrorizmge qarsy operatsiia barysynda óltirilgen.
"Endi budan bylai qarai osy aimaqta oshaqtary bar "Ál-Qaida" terroristik toby álsireidi" dedi Tramp 6 aqpanda taratqan málimdemesinde. Ol Raimidiń naqty qashan óltirilgenin aitqan joq.
"Arabiia túbegindegi Ál-Qaida" toby Raimidiń jetekshilik etýimen beibit iemendikterge adam aitqysyz qatygezdik kórsetti jáne AQSh áskerine kóp shabýyl jasaýǵa tyrysty" dedi Tramp.
2015 jyly amerikalyq áskeri ushqyshsyz apparattyń shabýylynan "Arabiia túbegindegi Ál-Qaida" tobynyń sol kezdegi komandiri Nasir ál-Výhaishi qaza tapqan. Keiinirek onyń ornyn Raimi basty. Top jetekshisi retinde taǵaiyndalǵan Raimi AQSh-qa shabýyl jasaýǵa shaqyrdy.
"Amerikalyqtar, aramyzdaǵy adamdardy neǵurlym kóbirek óltirgen saiyn soǵurlym ekpinimizdi kúsheitemiz. Eger bir top jetekshisi ólse, onyń ornyna basqa bireý keledi" dedi Raimi sol kezde taratqan aýdiojazbada.
