AQSh-tyń burynǵy prezidenti Donald Tramp qyzmetinen ketkeli beri alǵash ret 2024 jyly prezident sailaýyna túse alatyndyǵyn meńzedi. 28 aqpanda Orlando qalasyndaǵy konferentsiia kezinde sóilegen burynǵy prezident óziniń Respýblikalyq partiiasynyń teńdessiz jetekshisi mártebesin nyǵaitýǵa tyrysyp, jańa partiia qurý týraly sybystardy ulǵaitty.
"Sizdermen birge kúresýge bel býyp otyrmyn. Biz jańa partiia qurmaimyz. Bizde Respýblikalyq partiia bar jáne onyń yntymaǵy buryn-sońdy bolmaǵan dárejede kúsheiip, myqty bola túspek" dedi Tramp.
Ol 3 qarasha kúngi prezident sailaýynda jeńilgenin taǵy teristep, qańtar aiynda qyzmetine kirisken Djo Baidendi synady. Onyń prezidenttiginiń alǵashqy aiyn "katastrofa" dep atady.
Trampty ózge eks-prezidentterden erekshelendirip turǵan nárse - bul onyń saiasattan ketpeitinin jáne ózinen keiin bolǵan adamdy synaýdan da bas tartpaitynyn aiqyn ańǵartý. Aq úi buǵan deiin Tramp sózderine asa qatty mán bermeitinin málimdegen.
