QR Densaýlyq saqtaý ministrligi «Tramodol» meditsinalyq preparatynyń dárihanalarda satylymyn qatań baqylaýǵa aldy, dep habarlaidy "Ult aqparat".
Atalǵan vedomstvo málimetinshe, «Halyq densaýlyǵy jáne densaýlyq saqtaý júiesi týraly» kodekske sáikes, dárigerdiń retseptisi boiynsha bosatylýǵa arnalǵan dárilik zattardy retseptisiz satýǵa tyiym salynǵan. Bul talapty buzǵandarǵa «Ákimshilik quqyq buzýshylyq týraly» QR kodeksine sáikes ákimshilik jaýapkershilik qarastyrylǵan. Dárilik zattardy retseptimen bosatý erejesine sáikes, «Tramadol» retseptimen bosatylatyn dárilik preparatqa jatqyzylǵan.
QR DSM osy jaýapkershilikti tiimdi qoldaný maqsatynda «Dárilik zattardy, meditsinalyq maqsattaǵy buiymdar men meditsinalyq tehnikany kóterme jáne bólshek saýdada ótkizý» erejesine, onyń ishinde dárihanada klonidin, kodein, tropikamid, tramadol, tsiklopentolat, pregabalin, zopiklon, difengidramin, prometazin siiaqty ýly zattardy 3 jylǵa deiin saqtaý merzimin ulǵaitý bóliginde ózgerister engizdi. Belgilengen talaptardyń saqtalýyn baqylaý úshin jospardan tys tekserý QR DSM Farmatsiia komitetiniń aýmaqtyq bólimsheleri, sondai-aq aimaqtyq politsiia departamentteriniń Esirtkige qarsy kúres basqarmasy «Doping» jedel operatsiiasyn júrgizý aiasynda, al jekelegen óńirlerde QR DSM Farmatsiia komitetiniń aýmaqtyq bólimsheleriniń mamandaryn jibere otyryp júzege asyrady», - delingen ministrlik málimetinde.
2018 jyldyń 10 aiy boiynsha «Tramadol» preparatyn retseptisiz satqany úshin 11 mln 144 myń 920 teńgeden astam somaǵa 52 ákimshilik aiyppul salynǵan.
