Japoniialyq kólik óndirýshi kompaniia Sankt-Peterbýrgtegi zaýytyn jabý týraly sheshim qabyldady. Bul týraly birneshe reseilik BAQ-ta, "Ostorojno, novosti" Telegram-arnasynda jazylǵan, - dep habarlaidy Massaget.kz portaly.
Buqaralyq aqparat quraldary málimetinshe, bul týraly arnaiy jiynda qyzmetkerlerge habarlanǵan.
"Bizdiń aqparatymyz boiynsha, olarǵa bul sheshim Resei Federatsiiasynda qalyptasqan jaǵdaiǵa bailanysty qabyldanǵany aitylǵan. Zaýyt basqa brendpen jumys istei almaidy, sondyqtan jabylady", - dep jazylǵan Telegram-da.
Jumystan shyǵar aldynda qyzmetkerlerge 12 ailyq jalaqy tólenetini aitylǵan. Zaýyt jumysshylarynyń jinalystary tańǵy 9-dan bastap shaǵyn toptarda ótken. Kelesi aptadan bastap olarǵa kelisim jiberiletini aitylǵan. Kóktemnen bastap zaýyt toqtap tur, jumysshylarǵa jalaqysynyń úshten ekisi tólengen. Qazir basshylyq "jumys berýshiniń kinásinen bos ýaqytty jariialaý týraly" buiryqtyń oryndalýyn toqtata turý týraly qujat bergen.
Sondai-aq, aqparatta kásiporyn jaqynda jabylatynyn rastaityn qujattar bolǵan.
Aita keteiik, Sankt-Peterbýrgtegi Toyota zaýyty 2007 jyly ashylǵan. Kásiporynda Camry jáne RAV4 modelderin óndirýdiń tolyq tsikli uiymdastyrylǵan.
