Tótenshe jaǵdailar ministri Iýrii Ilin sýǵa batyp bara jatqan 2001 jylǵy qyzdy qutqarǵany úshin Nur-Sultan qalasynyń turǵyny Asylbek Nurjanovty marapattady.
Oǵan «Sýǵa batqandardy qutqarǵany úshin» medali tabystaldy, dep habarlaidy "Ult aqparat" QR Tótenshe jaǵdailar ministrliginiń baspasóz qyzmetine silteme jasap.
- Adam ómirin qutqarýdaǵy erligińiz ben janqiiarlyǵyńyz úshin sizge alǵys bildiremin, - dedi Iýrii Ilin.
Oqiǵa 2021 jyldyń 26 mamyrynda Nur-Sultan qalasynyń Aqbulaq ózeninde bolǵan.
Kúndiz kópirlerdiń birinen qyz bala kenetten sekirip ketedi. Onyń sýǵa sekirgenin kórip sol mańdaǵy adamdar kómek surap aiqailaǵan. Sol sátte eldordalyq joǵary oqý oryndarynyń birinde qaýipsizdik qyzmetkeri bolyp jumys isteitin Asylbek Nurjanov sýǵa sekirip, qyzdy qutqarǵan.
«Ol kezde qyz es-tússiz jatqan bolatyn. Oqiǵanyń ózge kýágerleri maǵan jaǵaǵa shyǵýǵa kómektesti. Olar qyzǵa alǵashqy meditsinalyq kómek kórsetti»,- deidi batyr jigit.
Tótenshe jaǵdailar ministri Asylbek Nurjanovqa alǵys aityp, otbasyna densaýlyq pen baqyt tiledi.
