تٶتەنشە جاعدايلار مينيسترٸ يۋريي يلين سۋعا باتىپ بارا جاتقان 2001 جىلعى قىزدى قۇتقارعانى ٷشٸن نۇر-سۇلتان قالاسىنىڭ تۇرعىنى اسىلبەك نۇرجانوۆتى ماراپاتتادى.
وعان «سۋعا باتقانداردى قۇتقارعانى ٷشٸن» مەدالٸ تابىستالدى, دەپ حابارلايدى "ۇلت اقپارات" قر تٶتەنشە جاعدايلار مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
- ادام ٶمٸرٸن قۇتقارۋداعى ەرلٸگٸڭٸز بەن جانقييارلىعىڭىز ٷشٸن سٸزگە العىس بٸلدٸرەمٸن, - دەدٸ يۋريي يلين.
وقيعا 2021 جىلدىڭ 26 مامىرىندا نۇر-سۇلتان قالاسىنىڭ اقبۇلاق ٶزەنٸندە بولعان.
كٷندٸز كٶپٸرلەردٸڭ بٸرٸنەن قىز بالا كەنەتتەن سەكٸرٸپ كەتەدٸ. ونىڭ سۋعا سەكٸرگەنٸن كٶرٸپ سول ماڭداعى ادامدار كٶمەك سۇراپ ايقايلاعان. سول سەتتە ەلدوردالىق جوعارى وقۋ ورىندارىنىڭ بٸرٸندە قاۋٸپسٸزدٸك قىزمەتكەرٸ بولىپ جۇمىس ٸستەيتٸن اسىلبەك نۇرجانوۆ سۋعا سەكٸرٸپ, قىزدى قۇتقارعان.
«ول كەزدە قىز ەس-تٷسسٸز جاتقان بولاتىن. وقيعانىڭ ٶزگە كۋەگەرلەرٸ ماعان جاعاعا شىعۋعا كٶمەكتەستٸ. ولار قىزعا العاشقى مەديتسينالىق كٶمەك كٶرسەتتٸ»,- دەيدٸ باتىر جٸگٸت.
تٶتەنشە جاعدايلار مينيسترٸ اسىلبەك نۇرجانوۆقا العىس ايتىپ, وتباسىنا دەنساۋلىق پەن باقىت تٸلەدٸ.
