Búgin Úkimet otyrysynda QR Tótenshe jaǵdailar ministri Iýrii Ilin óńirlerde órt sóndirý tehnikasyn jańartýdy surady, dep habarlaidy "Ult aqparat".
«Eldi mekenderdi qorǵaýdy qamtamasyz etýdiń mańyzdy quramdas bóligi TJM bólimsheleriniń tehnikalyq ázirligine bailanysty ekenin atap ótkim keledi. 2018-2020 jyldarǵa arnalǵan tiisti jol kartasyn iske asyrý jaraqtandyrý deńgeiin 40-tan 52 paiyzǵa deiin jetkizýge múmkindik berdi», - dedi ministr.
Onyń aitýynsha, úsh jyl ishinde respýblikalyq jáne jergilikti biýdjet esebinen 645 tehnika satyp alyndy (27,1 mlrd teńge).
«Osy múmkindikti paidalana otyryp Shymkent, Almaty jáne Nur-Sultan qalalary, sondai-aq Qaraǵandy jáne Almaty oblystary ákimderiniń qoldaýyn atap ótkim keledi.
Qyzylorda jáne Shyǵys Qazaqstan oblystarynyń belsendiligi tómendeý, al Magnistaý oblysynyń ákimdigi kórsetilgen kezeńde birde-bir tehnika satyp alǵan joq», - dedi Iu. Ilin.
«Qol jetkizilgen kórsetkishterge qaramastan, jyl saiynǵy esepten shyǵarýǵa jatatyn eski órt tehnikasy parkin jańartý talap etiledi. Osyǵan bailanysty, Qarjy ministrligimen jáne ákimdiktermen birlesip, aldaǵy úsh jylǵy kezeńge (2021-2023 jyldar) arnalǵan jol kartasyn ázirleý júrgizilýde», - dedi vedomstvo basshysy.
