Qajet bolǵan jaǵdaida shaǵyn jáne orta biznesti qoldaýdyń qosymsha sharalary qarastyrylady. Bul týraly Ortalyq kommýnikatsiialar qyzmetindegi brifingte QR Ulttyq ekonomika vitse-ministri Mádi Taqiev aitty, dep habarlaidy "Ult aqparat".
Onyń aitýynsha, elimizde 1 maýsymǵa deiin shaǵyn jáne orta biznes sýbektileri úshin salyq jáne ózge de tólemderdi tóleý merzimi shegerilgen. Buǵan qosa, Memleket basshysy shaǵyn jáne orta biznes ókilderin biylǵy 1 qazanǵa deiin eńbekaqy tóleý qorynan ustalatyn salyqtan bosatýdy tapsyrdy.
«Al bul jeke tabys salyǵy, áleýmettik salyq, mindetti zeinetaqy jarnasy, jarnalar men mindetti meditsinalyq saqtandyrý tólemderi jáne áleýmetti tólemder syndy salyq pen tólemderdiń 5 túrin qamtidy», - dedi vitse-ministr.
Sonymen qatar Mádi Toqiev biznes ókilderine salyq jáne ózge tólemderdi tóleý merzimin keiinge qaldyrý aitarlyqtai qoldaý ekendigin basa aitty.
«Degenmen, ilgeride qoldaýdyń qosymsha sharalary da qarastyrylyp qalýy yqtial», - dedi ol.
Munan bólek, vitse-ministr elimizde tótenshe jaǵdai engizilýine bailanysty qansha bizestiń óz qyzmetin toqtatqandyǵyn sanaý, esepteý jumystary júrgizilip, jyl sońynda naqty deregi jariia etiletindigin eskertti.
