COVID-19 áli de bolsa úlken qater tóndirip tur. Bul týraly «BIZ BIRGEMIZ» onlain forýmda Qazaqstan Prezidenti Qasym-Jomart Toqaev aitty, dep habarlaidy QazAqparat.
«Búginde búkil álemde koronavirýstyń taralýy qorqynyshty aýqymǵa ie bolyp keledi. Koronavirýs shabýylyna ushyraǵan jalǵyz el biz emespiz. Tóteshe jaǵdai rejimi alynyp tastalǵannan keiin biz erkinsip kettik, ony moiyndaý qajet. Keibir azamattar men memlekettik qyzmetshiler «qaýipti kezeń artta qaldy, ótip ketti» dep oilady. Táýekeldi durys baǵalamaý oryn alyp, meditsinalyq erejeler men uiǵarymdardy saqtaýdy qoidyq. Jekelegen azamattar mundai aýrý joq degen ósek-aiańǵa sene bastady. Biraq, COVID-19 áli de bolsa úlken qater tóndirip tur. Sondyqtan Úkimet karantin sharalaryn qaita kúsheitti», - dedi Memleket basshysy.
Degenmen, Qazaqstan Prezidenti kóńil-kúidi túsirip, kúizeliske boi aldyrýdyń esh qajetti joq ekendigin, tolyq qandy ómir súrýdi jalǵastyra berýimiz kerektigin basa aitty.
«Búkil álemde adamdar karantin kezinde otbasymen jaqyndasa túskendikteri, balalaryna, olardyń problemalary men alańdaýshylyqtaryna kóp kóńil bóle bastaǵandyqtary týraly oqiǵalarymen bólisýde. Sýretshiler, mýzykanttar, jazýshylar, aqyndar karantin ýaqytynda shyǵarmashylyqpen ónimdi jumys istegendikterin aitýda», - dedi Qasym-Jomart Toqaev.
Memleket basshysy eń jaman jaǵdaida da tiimdi dúnie tabýǵa bolatyndyǵyn atap ótti.
«Árbir daǵdarysta jańa múmkindikter bolady. Biz birgemiz. Biz birge mindetti túrde bul daǵdarysty da eńseremiz. Odan kúshti rýhpen, dúnietanym máselelerinde jańa kózqaraspen shyǵamyz. Eń bastysy osynaý kúrdeli synaqty eńseretindigimizge, jeńetindigimizge senim bolýy kerek», - dedi Qasym-Jomart Toqaev.
