COVID-19 ەلٸ دە بولسا ٷلكەن قاتەر تٶندٸرٸپ تۇر. بۇل تۋرالى «BIZ BIRGEMIZ» ونلاين فورۋمدا قازاقستان پرەزيدەنتٸ قاسىم-جومارت توقاەۆ ايتتى, دەپ حابارلايدى قازاقپارات.
«بٷگٸندە بٷكٸل ەلەمدە كوروناۆيرۋستىڭ تارالۋى قورقىنىشتى اۋقىمعا يە بولىپ كەلەدٸ. كوروناۆيرۋس شابۋىلىنا ۇشىراعان جالعىز ەل بٸز ەمەسپٸز. تٶتەشە جاعداي رەجيمٸ الىنىپ تاستالعاننان كەيٸن بٸز ەركٸنسٸپ كەتتٸك, ونى مويىنداۋ قاجەت. كەيبٸر ازاماتتار مەن مەملەكەتتٸك قىزمەتشٸلەر «قاۋٸپتٸ كەزەڭ ارتتا قالدى, ٶتٸپ كەتتٸ» دەپ ويلادى. تەۋەكەلدٸ دۇرىس باعالاماۋ ورىن الىپ, مەديتسينالىق ەرەجەلەر مەن ۇيعارىمداردى ساقتاۋدى قويدىق. جەكەلەگەن ازاماتتار مۇنداي اۋرۋ جوق دەگەن ٶسەك-اياڭعا سەنە باستادى. بٸراق, COVID-19 ەلٸ دە بولسا ٷلكەن قاتەر تٶندٸرٸپ تۇر. سوندىقتان ٷكٸمەت كارانتين شارالارىن قايتا كٷشەيتتٸ», - دەدٸ مەملەكەت باسشىسى.
دەگەنمەن, قازاقستان پرەزيدەنتٸ كٶڭٸل-كٷيدٸ تٷسٸرٸپ, كٷيزەلٸسكە بوي الدىرۋدىڭ ەش قاجەتتٸ جوق ەكەندٸگٸن, تولىق قاندى ٶمٸر سٷرۋدٸ جالعاستىرا بەرۋٸمٸز كەرەكتٸگٸن باسا ايتتى.
«بٷكٸل ەلەمدە ادامدار كارانتين كەزٸندە وتباسىمەن جاقىنداسا تٷسكەندٸكتەرٸ, بالالارىنا, ولاردىڭ پروبلەمالارى مەن الاڭداۋشىلىقتارىنا كٶپ كٶڭٸل بٶلە باستاعاندىقتارى تۋرالى وقيعالارىمەن بٶلٸسۋدە. سۋرەتشٸلەر, مۋزىكانتتار, جازۋشىلار, اقىندار كارانتين ۋاقىتىندا شىعارماشىلىقپەن ٶنٸمدٸ جۇمىس ٸستەگەندٸكتەرٸن ايتۋدا», - دەدٸ قاسىم-جومارت توقاەۆ.
مەملەكەت باسشىسى ەڭ جامان جاعدايدا دا تيٸمدٸ دٷنيە تابۋعا بولاتىندىعىن اتاپ ٶتتٸ.
«ەربٸر داعدارىستا جاڭا مٷمكٸندٸكتەر بولادى. بٸز بٸرگەمٸز. بٸز بٸرگە مٸندەتتٸ تٷردە بۇل داعدارىستى دا ەڭسەرەمٸز. ودان كٷشتٸ رۋحپەن, دٷنيەتانىم مەسەلەلەرٸندە جاڭا كٶزقاراسپەن شىعامىز. ەڭ باستىسى وسىناۋ كٷردەلٸ سىناقتى ەڭسەرەتٸندٸگٸمٸزگە, جەڭەتٸندٸگٸمٸزگە سەنٸم بولۋى كەرەك», - دەدٸ قاسىم-جومارت توقاەۆ.
