QR Tótenshe jaǵdai ministrligi avtokólik ielerine jazǵy dóńgelekterin qysqy shinalarǵa aýystyrýǵa keńes beredi, dep habarlaidy "Ult aqparat".
Óitkeni kúz mezgilinde jol-kólik oqiǵalary qaýpi jiileidi.
«Qazgidromet» RMK derekteri boiynsha qarasha aiynda jaýyn-shashyn (kóbinese qar), boran soǵyp, ekpindi jel bolady. Sondai-aq elimizdiń ortalyq, soltústik jáne shyǵys óńirlerinde kóktaiǵaq pen tuman kútiledi. Sondyqtan respýblika joldarynda kólik quraldarynyń qozǵalysyna erekshe nazar aýdarý qajet», - delingen ministrlik málimdemesinde.
Jazǵy shinany qysqyǵa aýystyrý joldaǵy qaýipsizdikti qamtamasyz etedi. Aýa temperatýrasynyń tómendeýi men jaýyn-shashyn bolǵan jaǵdaida jol betinde kóktaiǵaq bolýy múmkin. Sonyń saldarynan jazǵy dóńgelekterdiń tejelý qabileti nasharlap, jol-kólik oqiǵalary oryn alýy múmkin.
«Kúzde jáne qysta tótenshe jaǵdailardy boldyrmaý úshin QR TJM aýa-raiynyń ózgerýi, meteorologiialyq málimetterdi, aýa-raiynyń nasharlaýy, joldardyń jabylýy týraly arnaiy habarlamalardy únemi qarap otyrýdy usynady. Daýyldy eskertýler kezinde uzaq saparlarǵa shyqpaǵandaryńyz abzal», - dep eskertti ministrlik.
