Teledidary joq oqýshylar radiony qosymsha qural retinde qoldana alady. Bul týraly Ortalyq kommýnikatsiialar qyzmetiniń alańynda ótken mektep oqýshylarynyń IV toqsanda qashyqtan oqý júiesine arnalǵan onlain konferentsiiada aityldy, dep habarlaidy "Ult aqparat".
«Oqýshylardy qashyqtan oqytýyń ekinshi tetigi – radio. «Qazaq radiosy» arqyly bul mehanizmdi qosymsha qural retinde iske asyramyz. Aýdio sabaqtardy «Qazaq radiosyna» berip jatyrmyz. Osy radiony teledidary joq oqýshylar qosymsha qural retinde qoldana alady. Radio arqyly sabaq oqityndai múmkindik jasap otyrmyz», - deidi QR Bilim jáne ǵylym ministri Ashat Aimaǵambetov.
Onyń aitýynsha, oqýshylardy qashyqtan oqytýdyń úshinshi tetigi – poshta.
«Qazposhta» AQ-men kelisimge qol qoidyq. Elimiz boiynsha mektebi joq eldi mekender bar. Ondai eldi mekender sany – 1 200-ge jýyq. Ondai jerlerde ary ketse 5-7 oqýshy bar. Ol balalar basqa eldi mekenderge barý arqyly sabaq oqityn. Osy balalardy sabaq oqytýmen qamtý poshta arqyly júzege asady. Internet arqyly oqityn balalar da keri bailanys ornatý úshin poshta qyzmetin qoldanýǵa múmkindikteri bar», - deidi ol.
