تەلەديدارى جوق وقۋشىلار راديونى قوسىمشا قۇرال رەتٸندە قولدانا الادى. بۇل تۋرالى ورتالىق كوممۋنيكاتسييالار قىزمەتٸنٸڭ الاڭىندا ٶتكەن مەكتەپ وقۋشىلارىنىڭ ٸV توقساندا قاشىقتان وقۋ جٷيەسٸنە ارنالعان ونلاين كونفەرەنتسييادا ايتىلدى, دەپ حابارلايدى "ۇلت اقپارات".
«وقۋشىلاردى قاشىقتان وقىتۋىڭ ەكٸنشٸ تەتٸگٸ – راديو. «قازاق راديوسى» ارقىلى بۇل مەحانيزمدٸ قوسىمشا قۇرال رەتٸندە ٸسكە اسىرامىز. اۋديو ساباقتاردى «قازاق راديوسىنا» بەرٸپ جاتىرمىز. وسى راديونى تەلەديدارى جوق وقۋشىلار قوسىمشا قۇرال رەتٸندە قولدانا الادى. راديو ارقىلى ساباق وقيتىنداي مٷمكٸندٸك جاساپ وتىرمىز», - دەيدٸ قر بٸلٸم جەنە عىلىم مينيسترٸ اسحات ايماعامبەتوۆ.
ونىڭ ايتۋىنشا, وقۋشىلاردى قاشىقتان وقىتۋدىڭ ٷشٸنشٸ تەتٸگٸ – پوشتا.
«قازپوشتا» اق-مەن كەلٸسٸمگە قول قويدىق. ەلٸمٸز بويىنشا مەكتەبٸ جوق ەلدٸ مەكەندەر بار. ونداي ەلدٸ مەكەندەر سانى – 1 200-گە جۋىق. ونداي جەرلەردە ارى كەتسە 5-7 وقۋشى بار. ول بالالار باسقا ەلدٸ مەكەندەرگە بارۋ ارقىلى ساباق وقيتىن. وسى بالالاردى ساباق وقىتۋمەن قامتۋ پوشتا ارقىلى جٷزەگە اسادى. ينتەرنەت ارقىلى وقيتىن بالالار دا كەرٸ بايلانىس ورناتۋ ٷشٸن پوشتا قىزمەتٸن قولدانۋعا مٷمكٸندٸكتەرٸ بار», - دەيدٸ ول.
