Foto: Ashyq derekkóz
QR Tótenshe Jaǵdailar Ministrligi ókili Asqar Shárip qazirgi ýaqytta sý tasqynyna bailanysty eldegi ahýaldy baiandady dep habarlaidy "Ult Aqparat".
Asqar Sháriptiń sózinshe Atyraý oblysynyń Qulsary qalasynda motopompalardyń jáne jyljymaly sorǵy stantsiialardyń kómegimen qalǵan sý basqan 20 úiden sý sorý jumystary jalǵastyrylýda. TJM 20982 áskeri bóliminiń áskeri qyzmetshileri Qulsary qalasynda dezinfektsiialaý jumystaryn júrgizýde.
Soltústik Qazaqstan oblysynyń Petropavl qalasy men Qyzyljar aýdanynda sý basqan aýmaqtardan sý sorý jumystary jalǵastyrylýda. Ótken táýlikte 184 úiden sýdyń baǵyty burylyp, sý soryldy.
"Aqtóbe oblysy Yrǵyz aýdanynyń Quilys aýylynda Torǵai ózeni sý deńgeiiniń birtindep kóterilýine bailanysty uzyndyǵy 2,5 km bóget turǵyzý jumystary júrgizilýde. 30 myńnan astam qapshyq pen 19 myńnan astam inertti material tóseldi. Sý deńgeiine saǵat saiyn monioring júrgizilýde. Jaǵdai erekshe baqylaýda", -deidi A. Shárip.
Resmi málimet boiynsha Respýblika boiynsha 8 958 turǵyn úi men 2 994 aýla aýmaǵynan sýdyń baǵyty burylyp, sý soryldy. 48 945 adam óz úilerine oraldy. Apattyq-qutqarý jáne sý tasqynyna qarsy jumystarǵa 11 445 adam, 1 284 tehnika, 329 sý sorý quraly jáne 66 júzý quraly, 6 áýe kemesi jumyldyryldy.
