Belgili ánshi Tóreǵali Tóráli Almaty oblysynyń Kólsai kólderinde bolǵan janjal kezinde qabaǵyn jarǵan jigitpen tatýlasty, - dep habarlaidy "Ult aqparat".
"Adamzattyń tarihy tyiym etken jemisti jeimin dep qatelesip, artynsha birden táýbesine kelgen Adam atanyń tarihynan bastalmai ma? Biz de sol - ashýlansa da, shattansa da, sońy nemen biterin boljai almaityn, paida, ziiandy ólshei almai qalatyn pendeniń birimiz.
Sahnadan kórgen adamyn perishtedei pák sanaityn qazaq halqynyń taza peiili ǵoi. Al, sol sahnadaǵy adamnyń pendelik kem-ketigin kórse, qalǵan kóńili qatqan muzdai bolatyny da baladai ańǵaldyǵy emes pe? Halyqtyń kóz aldynda ósken adam bolǵandyqtan, ár áreketimiz kópshiliktiń nazarynda bolyp tur ǵoi. Áitpese, qai er azamat shekispei jatyr? Kimniń aýzynan emotsiiaǵa berilgen artyq sóz shyqpai jatyr? Qai qýysta kim tóbelespei jatyr?
Orystar kelip qaldy dep páterdi qymbattatyp, qarakóz qazaqtardy qýyp, paida tappaqshy bolǵan aram piǵyldar sekildi osy tóbelesti de iske jaratyp, reitingimizdi kóterip alaiyq degen niettilerdiń de az bolmai turǵandyǵy da ókinishti.
“Adamnyń kúnásin aita bermeńder.
Kúnásin kórgenmen táýbesin kórgen joqsyńdar” demekshi, siz ben biz sóz etip júrgen bireýdiń aiyby Allanyń aldynda áldeqashan keshirilip ketýi múmkin.
“Er shekispei, bekispeidi” dep Bekarys baýyrymyzben mámilege keldik. Qarapaiym adamǵa da, óner adamyna da ortaq respýblikamyzdyń zańymen quzyrly organdardyń tekserisinen ótip, resmi bitimge keldik. Súringende súieý bolǵan, túńilgende tireý bolǵan alash jurtyna kóp rahmet!" - dep jazdy ánshi Instagram jelisindegi paraqshasynda.
