Prezident Qasym-Jomart Toqaev AMANAT partiiasynyń burynǵy tóraǵasy Erlan Qoshanovqa partiiany basqarǵan kezeńdegi nátijeli ári el igiligine baǵyttalǵan eńbegi úshin alǵys aitty. Bul týraly Memleket basshysynyń baspasóz hatshysy Aibek Smadiiar málimdedi, dep habarlaidy ult.kz.
Sonymen qatar Prezident partiia músheleriniń jýyrdaǵy sezde jańadan qurylǵan «Ádilet» partiiasyna qosylý týraly qabyldaǵan sheshimin joǵary baǵalap, oǵan rizashylyǵyn bildirdi.
Memleket basshysy AMANAT partiiasy elimizdi jańǵyrtýǵa, zań ústemdigi men qoǵamdyq tártip qaǵidattaryna negizdelgen Ádiletti Qazaqstandy qalyptastyrýǵa eleýli úles qosqanyn atap ótti.
Sondai-aq Qasym-Jomart Toqaev partiianyń belsendi músheleri «Ádilet» partiiasy qatarynda da el múddesi jolyndaǵy qyzmetin tabysty jalǵastyratynyna senim bildirdi.
Aita keteiik, buǵan deiin AMANAT partiiasynyń jańadan qurylǵan «Ádilet» partiiasynyń quramyna qosylatyny belgili bolǵan edi.
