Memleket basshysy Qasym-Jomart Toqaev Qazaqstan Halyq Keńesiniń alǵashqy sessiiasynda jańa institýttyń negizgi mindetteri men Quryltaimen araqatynasyna toqtaldy, dep habarlaidy ult.kz.
Prezidenttiń aitýynsha, Qazaqstan Halyq Keńesi eldiń saiasi júiesinde erekshe oryn alatyn, konstitýtsiialyq mártebesi bar biregei institýt bolady.
«Qazir Qazaqstan aýqymdy ózgerister kezeńin bastan ótkerýde. Qoǵamymyzdyń barlyq salasynda túbegeili reformalar iske asyrylýda. Alaida reformalar men ózgerister osymen óz máresine jetti dep múldem aitýǵa bolmaidy. Bul jumys mindetti túrde jalǵasady», – dedi Qasym-Jomart Toqaev.
Memleket basshysy Halyq Keńesi men Quryltaidyń mindetteri bir-birinen bólek ekenin atap ótti. Onyń sózinshe, Halyq Keńesi Quryltaiǵa balama emes jáne onyń quzyretine kiretin máselelermen ainalyspaidy.
Sondai-aq Halyq Keńesi músheleriniń Quryltai depýtattarynyń qyzmetine aralasýǵa quqyǵy joq. Óz kezeginde Quryltai depýtattary da Halyq Keńesiniń jumysyna aralasa almaidy.
Prezident eki institýttyń bir-birin tolyqtyryp, úilesimdi jumys isteýi mańyzdy ekenin aitty.
«Aldymyzda turǵan maqsat ta – bir, Otanymyz da – bir. Sondyqtan bárimiz birtutas el bolyp bir jeńnen qol, bir jaǵadan bas shyǵaryp Qazaqstan halqy úshin tabandy qyzmet etýimiz kerek», – dedi ol.
Qasym-Jomart Toqaev zań jobalaryn ázirleý kezinde qoǵamnyń usynystary men talap-tilekterin eskerýdiń mańyzyn da atap ótti.
Qazaqstan Halyq Keńesiniń quramyna etnomádeni birlestikterdiń, aimaqtyq máslihattar men qoǵamdyq keńesterdiń, sondai-aq qoǵamdyq uiymdardyń ókilderi kirgen.
Prezidenttiń aitýynsha, osylaisha memleket pen qoǵam arasyndaǵy bailanystyń jańa, aýqymdy ári birtutas júiesi qalyptasyp otyr.
