Memleket basshysy Qasym-Jomart Toqaev Resei Prezidenti Vladimir Pýtinmen telefon arqyly sóilesip, ekijaqty yntymaqtastyqtyń ózekti máselelerin talqylady, dep habarlaidy ult.kz.
Áńgime barysynda Qasym-Jomart Toqaev Resei Prezidentiniń biyl mamyr aiynda Qazaqstanǵa jasaǵan memlekettik sapary kezinde qol jetkizilgen kelisimder eki el arasyndaǵy yqpaldastyqtyń barlyq baǵytyna tyń serpin bergenin atap ótti.
Prezidenttiń aitýynsha, qazirgi tańda Qazaqstan men Resei úkimetteri sol ýaǵdalastyqtardy kezeń-kezeńimen júzege asyryp jatyr.
Taraptar sondai-aq shilde aiynyń sońynda Omby qalasynda ótetin HHII Qazaqstan – Resei óńiraralyq yntymaqtastyq forýmyna daiyndyq barysyna erekshe nazar aýdardy.
Telefon arqyly sóilesý kezinde memleket basshylary halyqaralyq jáne óńirlik kún tártibindegi ózekti máseleler jóninde pikir almasty.
Kezdesý qorytyndysynda Qasym-Jomart Toqaev pen Vladimir Pýtin aldaǵy ýaqytta da turaqty bailanysta bolyp, ekijaqty dialogty jalǵastyrýǵa kelisti.
