Memleket basshysy Qasym-Jomart Toqaev Resei Prezidenti Vladimir Pýtinge qazaqtyń kórnekti ǵalymy, etnografy ári aǵartýshysy Shoqan Ýálihanov pen áigili orys jazýshysy Fedor Dostoevskii beinelengen kartinany syiǵa tartty, dep habarlaidy ult.kz.
Bul týraly Aqordanyń baspasóz qyzmeti málimdedi.
Atalǵan týyndy qos halyqtyń tarihi-mádeni bailanysyn, sondai-aq Shoqan Ýálihanov pen Fedor Dostoevskii arasyndaǵy dostyqty beineleidi. Belgili bolǵandai, eki tulǵa XIX ǵasyrda Ombyda tanysyp, keiin uzaq jyldar boiy hat alysyp turǵan. Olardyń dostyǵy qazaq-orys rýhani bailanysynyń mańyzdy simvoldarynyń biri retinde baǵalanady.
Aita keteiik, búgin Qasym-Jomart Toqaev pen Resei Prezidenti Vladimir Pýtin XXII Qazaqstan–Resei óńiraralyq yntymaqtastyq forýmy aiasynda kelissózder ótkizdi. Kezdesý barysynda ekijaqty saýda-ekonomikalyq, investitsiialyq jáne gýmanitarlyq yntymaqtastyqty damytý máseleleri talqylandy. Sondai-aq memleket basshylary óńiraralyq bailanysty nyǵaitý men birlesken jobalardy júzege asyrýdyń mańyzdylyǵyna toqtaldy.
Kelissóz sońynda taraptar estelik syilyqtarmen almasyp, Memleket basshysy Vladimir Pýtinge Shoqan Ýálihanov pen Fedor Dostoevskiidiń beinesi salynǵan kartinany tabys etti.
