Quryltai otyrysynda birinshi shaqyrylymdaǵy Qazaqstan Respýblikasy Quryltaiynyń janynan Qoǵamdyq palata qurý týraly sheshim qabyldandy, dep habarlaidy ult.kz Quryltai baspasóz qyzmetine silteme jasap.
Qoǵamdyq palata depýtattardyń sarapshylarmen, ǵalymdarmen, azamattyq qoǵam, kásibi birlestikter jáne óńirler ókilderimen tikelei ózara is-qimyl jasaityn turaqty jumys alańyna ainalýǵa tiis. Onyń quramyna 50 adam engizý kózdelip otyr.
Palatanyń negizgi mindetteriniń biri – zań jobalaryn «nóldik oqylym» satysynda qoǵamdyq jáne saraptamalyq zerdeleý. Bul zań jobalaryn ázirleý kezeńinde kásibi usynymdardy, balama ustanymdar men usynystardy eskerýge múmkindik beredi.
Qoǵamdyq palata alańynda elimizdiń qoǵamdyq-saiasi jáne áleýmettik-ekonomikalyq damýynyń ózekti máseleleri de talqylanady.
Aldaǵy ýaqytta Quryltai Biýrosy Qoǵamdyq palata týraly erejeni bekitip, onyń quramyn aiqyndaýǵa jáne basshylyq laýazymdarǵa taǵaiyndaý júrgizýge tiis.
