مەملەكەت باسشىسى قاسىم-جومارت توقاەۆ رەسەي پرەزيدەنتٸ ۆلاديمير پۋتينگە قازاقتىڭ كٶرنەكتٸ عالىمى, ەتنوگرافى ەرٸ اعارتۋشىسى شوقان ۋەليحانوۆ پەن ەيگٸلٸ ورىس جازۋشىسى فەدور دوستوەۆسكيي بەينەلەنگەن كارتينانى سىيعا تارتتى, دەپ حابارلايدى ult.kz.
بۇل تۋرالى اقوردانىڭ باسپاسٶز قىزمەتٸ مەلٸمدەدٸ.
اتالعان تۋىندى قوس حالىقتىڭ تاريحي-مەدەني بايلانىسىن, سونداي-اق شوقان ۋەليحانوۆ پەن فەدور دوستوەۆسكيي اراسىنداعى دوستىقتى بەينەلەيدٸ. بەلگٸلٸ بولعانداي, ەكٸ تۇلعا XIX عاسىردا ومبىدا تانىسىپ, كەيٸن ۇزاق جىلدار بويى حات الىسىپ تۇرعان. ولاردىڭ دوستىعى قازاق-ورىس رۋحاني بايلانىسىنىڭ ماڭىزدى سيمۆولدارىنىڭ بٸرٸ رەتٸندە باعالانادى.
ايتا كەتەيٸك, بٷگٸن قاسىم-جومارت توقاەۆ پەن رەسەي پرەزيدەنتٸ ۆلاديمير پۋتين XXII قازاقستان–رەسەي ٶڭٸرارالىق ىنتىماقتاستىق فورۋمى اياسىندا كەلٸسسٶزدەر ٶتكٸزدٸ. كەزدەسۋ بارىسىندا ەكٸجاقتى ساۋدا-ەكونوميكالىق, ينۆەستيتسييالىق جەنە گۋمانيتارلىق ىنتىماقتاستىقتى دامىتۋ مەسەلەلەرٸ تالقىلاندى. سونداي-اق مەملەكەت باسشىلارى ٶڭٸرارالىق بايلانىستى نىعايتۋ مەن بٸرلەسكەن جوبالاردى جٷزەگە اسىرۋدىڭ ماڭىزدىلىعىنا توقتالدى.
كەلٸسسٶز سوڭىندا تاراپتار ەستەلٸك سىيلىقتارمەن الماسىپ, مەملەكەت باسشىسى ۆلاديمير پۋتينگە شوقان ۋەليحانوۆ پەن فەدور دوستوەۆسكييدٸڭ بەينەسٸ سالىنعان كارتينانى تابىس ەتتٸ.
