Qazaqstan Prezidenti Qasym-Jomart Toqaev pen Resei Prezidenti Vladimir Pýtin kelissózderdi resmi delegatsiialar qatysqan keńeitilgen quramda jalǵastyrdy, dep habarlaidy ult.kz.
Kezdesý barysynda memleket basshylary eki el arasyndaǵy strategiialyq seriktestik, ekonomikalyq yntymaqtastyq, investitsiia, energetika, kólik-logistika jáne mádeni-gýmanitarlyq bailanystardy talqylady.
Qasym-Jomart Toqaev Resei prezidentiniń Qazaqstanǵa sapary eki el arasyndaǵy odaqtastyq qatynastardyń erekshe sipatyn kórsetetinin aitty.
«Qazaqstan úshin Reseimen jaqyn ári dostyq bailanystar airyqsha mańyzdy. Birlesken kúsh-jigerdiń arqasynda ekijaqty yntymaqtastyq barlyq salada senimdi túrde damyp keledi. Biz shaǵyn quramdaǵy kelissózderde seriktestikti odan ári nyǵaitýǵa daiyn ekenimizdi rastadyq. Elderimiz arasynda sheshilmegen másele joq, tek oń dinamika baiqalady», – dedi Memleket basshysy.
Prezidenttiń aitýynsha, búgin qabyldanatyn «Qazaqstan jáne Resei halyqtary arasyndaǵy dostyq pen tatý kórshiliktiń jeti negizi týraly» birlesken málimdeme erekshe mańyzǵa ie.
Toqaev qazirgi kúrdeli halyqaralyq jaǵdaiǵa qaramastan, eki el arasyndaǵy ekonomikalyq bailanys turaqty damyp kele jatqanyn atap ótti.
«Resei Qazaqstan ekonomikasyna investitsiia salatyn eń iri elderdiń biri. Al Qazaqstannyń Resei ekonomikasyna salǵan investitsiiasy 9 milliard dollardan asty. Búginde jalpy quny 53 milliard dollar bolatyn 177 birlesken joba jasaqtalǵan. Onyń 122-si iske asyrylyp, jumys istep tur», – dedi Prezident.
Sondai-aq ol mádeni-gýmanitarlyq yntymaqtastyqqa da erekshe toqtaldy. Prezident jaqynda Astanada ótken Resei kúnderi turǵyndar tarapynan jyly qabyldanǵanyn aitty.
Budan bólek, Astanadaǵy «Qazaqstan men Resei máńgi dostyǵy alleiasy» men Máskeýdegi Qazaqstan men Resei dostyǵy skveriniń ashylýy da eki el bailanysynyń simvolyna ainalǵanyn jetkizdi.
Toqaev Qazaqstan men Reseidiń halyqaralyq alańdardaǵy yqpaldastyǵyna da nazar aýdardy.
«Ortalyq Aziia – Resei» formaty búginde erekshe mańyzǵa ie. Álemniń nazary Ortalyq Aziiaǵa aýyp otyrǵan kezeńde bul formatty kúsheitý qajet dep sanaimyn», – dedi ol.
Óz kezeginde Vladimir Pýtin Resei men Qazaqstan arasyndaǵy qarym-qatynas teń quqyq pen ózara qurmetke negizdelgenin aitty.
«Byltyr Máskeýde ótken kezdesýde bizdiń bailanystarymyz jan-jaqty strategiialyq seriktestik jáne odaqtastyq deńgeiine kóterilgenin atap ótken edik. Búginde bul barlyq baǵytta naqty júzege asyp jatyr», – dedi Resei prezidenti.
Pýtinniń aitýynsha, taraptar ekonomika, energetika, mádeni-gýmanitarlyq bailanystar jáne ózge de salalardy qamtityn kóptegen úkimetaralyq jáne kommertsiialyq kelisimder daiyndaǵan.
«Qazirdiń ózinde 70 investitsiialyq joba júzege asyrylyp jatyr. Bul – úlken jumystyń bastamasy ǵana», – dedi Vladimir Pýtin.
Kezdesýde óndiris, energetika, agroónerkásip kesheni, tsifrlandyrý jáne kólik-logistika baǵytyndaǵy jańa birlesken jobalardy iske asyrý perspektivalary da talqylandy.
