Memleket basshysy Qasym-Jomart Toqaev Nikol Pashiniandy «Azamattyq kelisim» partiiasynyń parlamenttik sailaýdaǵy jeńisimen quttyqtady, dep habarlaidy ult.kz.
Aqordanyń málimetinshe, kóptegen halyqaralyq baiqaýshylardyń aldyn ala baǵalaýyna sáikes, sailaý Armeniianyń qoldanystaǵy zańnamasyna sai, ashyq túrde jáne azamattardyń erkin tańdaý jasaýyna qajetti jaǵdailar qamtamasyz etile otyryp ótken.
Qasym-Jomart Toqaev Nikol Pashinianǵa Armeniianyń uzaqmerzimdi ulttyq múddelerin júzege asyrý jolyndaǵy qyzmetine tabys tiledi.
Sonymen qatar Prezident Qazaqstannyń dostas Armeniiamen barlyq baǵyttaǵy ózara tiimdi yntymaqtastyqty odan ári damytýǵa daiyn ekenin atap ótti.
Memleket basshysy armian halqyna eldiń damýy jolynda tabys, beibitshilik pen baq-bereke tiledi.
