Memleket basshysy BAQ salasy qyzmetkerlerin marapattaý rásiminde sóz sóiledi, dep habarlaidy ult.kz.
Prezident eń aldymen buqaralyq aqparat quraldary qyzmetkerlerin merekesimen quttyqtap, jyly lebizin bildirdi.
Qasym-Jomart Toqaevtyń pikirinshe, otandyq buqaralyq aqparat quraldary ózderine júktelgen jaýapty missiiany joǵary deńgeide atqarý úshin halyqaralyq media qoǵamdastyqtaǵy básekege qabilettiligin arttyrýǵa tiis.
– Naryqtyń túbegeili ózgerýi saldarynan jańalyqtar portaly, áleýmettik jeliler men messendjerler aldyńǵy qatarǵa shyqty. Merzimdi baspasóz ben televiziia burynǵy ústemdiginen aiyryldy. Alaida men «Dástúrli medianyń dáýreni ótti» degen pikirmen kelispeimin. Kerisinshe, gazetter men telearnalar jańa formatqa kóship, innovatsiialyq mýltimediialyq platforma quryp, zaman talabyna sai damyp keledi. Olardyń basty artyqshylyǵy – máseleni tereń taldap, sholý men saraptama usyna alýynda. Aqparattyq keńistikte qarabaiyr taqyryptar qaptap, usaq-túiekti sóz qylý kóbeigen zamanda sapaly ári ózekti jýrnalistikanyń mańyzy eselep artady. Sondyqtan, meniń oiymsha, dástúrli BAQ qym-qiǵash ýaqiǵalar nópirinde qoǵam úshin aqparat aidynyndaǵy kompas, tipti ideologiialyq baǵdar rólin aldaǵy ýaqytta da atqara beredi, – dedi Prezident.
Memleket basshysy jýrnalisterdiń jalǵan aqparat taratýǵa qarsy kúreste atqaratyn róline toqtaldy.
– Tanymal tulǵalardyń jasandy tsifrlyq beinelerin túpnusqadan ajyratý múmkin emes. Mundai tehnologiialardy túrli alaiaqtar men destrýktivti kúshter belsendi paidalanady. Sondyqtan media salasynyń qyzmetkerleri jaýapkershilik tanytyp, memlekettiń atalǵan gibridti, asa qaýipti qaterlerge tótep berýine atsalysýǵa tiis. Osy oraida sizderdiń eńbekterińiz orasan, – dedi Qasym-Jomart Toqaev.
Prezident Qazaqstanda BAQ qyzmetine qajetti jaǵdai jasalǵanyn aitty.
– Elimizde pikir alýandyǵy men sóz erkindigi bar, al tsenzýraǵa zań júzinde tyiym salynǵan. Alaida, sóz bostandyǵy degenimiz júgensizdikke jáne tártipsizdikke jol berý degen sóz emes. Sondyqtan qoǵamdyq pikirdi ózderiniń teris piǵylyna paidalanyp, media salasynda ailasyn asyrǵysy keletinder myna bir qarapaiym qaǵidany jadynda ustaýy qajet: birde-bir adam sheksiz quqyq iesi emes. Basqasha aitsaq, óz quqyńdy bilý jáne saqtaý ózgeniń quqyn buzý nemese ar-ojdanyn taptaý degen sóz emes. Aldymyzda adamdar jalǵan aqparattyń jeteginde ketpei, kúrishti kúrmekten ajyratýy úshin mediasaýattylyqty barynsha arttyrý mindeti tur. Qoǵam qaýipsizdigi men quqyqtyq tártipti qamtamasyz etý úshin jasandy intellekt tehnologiiasynyń múmkindikterin keńinen paidalaný qajet, sonyń ishinde kez kelgen zańsyz aqparatty jedel anyqtaý jáne buǵattaý jumysyn qolǵa alý óte mańyzdy. Biz Zań men tártipke baǵynatyn el retinde quqyqtyq nigilizmge, ásireshildikke, iaǵni, radikalizmge jáne halqymyzdyń bolmysyna jat qundylyqtardy nasihattaý isine túbegeili tosqaýyl qoiýymyz kerek. Bul – óte mańyzdy mindet, – dedi Memleket basshysy.
