Qazaqstan Prezidenti Qasym-Jomart Toqaev 2026 jylǵy jeltoqsanda AQSh-ta ótetin G20 sammitine qatysady. Bul týraly Qazaqstan Syrtqy ister ministrligi málimdedi, dep habarlaidy ult.kz.
G20 kóshbasshylarynyń jyl saiynǵy sammitin AQSh óziniń tóraǵalyǵy aiasynda 14-15 jeltoqsanda ótkizýdi josparlap otyr. Is-shara Maiami mańyndaǵy Doral qalasyndaǵy Trump National Doral kesheninde ótedi.
Qazaqstan G20 múshesi emes. Alaida AQSh tarapy Qazaqstandy sammitke qatysýǵa shaqyrylǵan memleketter tizimine engizgen. Toqaev sammitke AQSh Prezidenti Donald Tramptyń shaqyrýymen qatysady.
Kezdesý barysynda Qazaqstan men AQSh arasyndaǵy strategiialyq yntymaqtastyqty odan ári nyǵaitý máseleleri talqylandy. Amerikalyq tarap energetika, mańyzdy mineraldar, ozyq tehnologiialar, tsifrlandyrý, kólik jáne investitsiialar salalaryndaǵy praktikalyq ózara is-qimyldy keńeitýge eleýli áleýet bar ekenin atap ótti.
Taraptar sý resýrstaryn basqarýdyń jahandyq arhitektýrasyn nyǵaitý jónindegi Qazaqstannyń bastamasyn da talqylady. Onyń ishinde Prezident Qasym-Jomart Toqaevtyń BUU-nyń mamandandyrylǵan mekemesi retinde Halyqaralyq sý uiymyn qurý týraly bastamasyna erekshe nazar aýdaryldy.
AQSh G20 tóraǵalyǵyn aiaqtaý aiasynda sammitti ekonomikalyq máselelerge baǵyttaýdy josparlap otyr. Amerikalyq tarap uiymnyń kún tártibin neǵurlym yqsham ekonomikalyq baǵytqa qaitarýdy kózdeidi.
Qazaqstan men AQSh taraptary jeltoqsandaǵy sammitke daiyndyq barysynda joǵary deńgeidegi kún tártibin mazmundy qalyptastyrý úshin odan ári ózara is-qimyl jasaýǵa daiyn ekenin bildirdi.
