قازاقستان پرەزيدەنتٸ قاسىم-جومارت توقاەۆ 2026 جىلعى جەلتوقساندا اقش-تا ٶتەتٸن G20 سامميتٸنە قاتىسادى. بۇل تۋرالى قازاقستان سىرتقى ٸستەر مينيسترلٸگٸ مەلٸمدەدٸ, دەپ حابارلايدى ult.kz.
G20 كٶشباسشىلارىنىڭ جىل سايىنعى سامميتٸن اقش ٶزٸنٸڭ تٶراعالىعى اياسىندا 14-15 جەلتوقساندا ٶتكٸزۋدٸ جوسپارلاپ وتىر. ٸس-شارا مايامي ماڭىنداعى دورال قالاسىنداعى Trump National Doral كەشەنٸندە ٶتەدٸ.
قازاقستان G20 مٷشەسٸ ەمەس. الايدا اقش تاراپى قازاقستاندى سامميتكە قاتىسۋعا شاقىرىلعان مەملەكەتتەر تٸزٸمٸنە ەنگٸزگەن. توقاەۆ سامميتكە اقش پرەزيدەنتٸ دونالد ترامپتىڭ شاقىرۋىمەن قاتىسادى.
كەزدەسۋ بارىسىندا قازاقستان مەن اقش اراسىنداعى ستراتەگييالىق ىنتىماقتاستىقتى ودان ەرٸ نىعايتۋ مەسەلەلەرٸ تالقىلاندى. امەريكالىق تاراپ ەنەرگەتيكا, ماڭىزدى مينەرالدار, وزىق تەحنولوگييالار, تسيفرلاندىرۋ, كٶلٸك جەنە ينۆەستيتسييالار سالالارىنداعى پراكتيكالىق ٶزارا ٸس-قيمىلدى كەڭەيتۋگە ەلەۋلٸ ەلەۋەت بار ەكەنٸن اتاپ ٶتتٸ.
تاراپتار سۋ رەسۋرستارىن باسقارۋدىڭ جاھاندىق ارحيتەكتۋراسىن نىعايتۋ جٶنٸندەگٸ قازاقستاننىڭ باستاماسىن دا تالقىلادى. ونىڭ ٸشٸندە پرەزيدەنت قاسىم-جومارت توقاەۆتىڭ بۇۇ-نىڭ مامانداندىرىلعان مەكەمەسٸ رەتٸندە حالىقارالىق سۋ ۇيىمىن قۇرۋ تۋرالى باستاماسىنا ەرەكشە نازار اۋدارىلدى.
اقش G20 تٶراعالىعىن اياقتاۋ اياسىندا سامميتتٸ ەكونوميكالىق مەسەلەلەرگە باعىتتاۋدى جوسپارلاپ وتىر. امەريكالىق تاراپ ۇيىمنىڭ كٷن تەرتٸبٸن نەعۇرلىم ىقشام ەكونوميكالىق باعىتقا قايتارۋدى كٶزدەيدٸ.
قازاقستان مەن اقش تاراپتارى جەلتوقسانداعى سامميتكە دايىندىق بارىسىندا جوعارى دەڭگەيدەگٸ كٷن تەرتٸبٸن مازمۇندى قالىپتاستىرۋ ٷشٸن ودان ەرٸ ٶزارا ٸس-قيمىل جاساۋعا دايىن ەكەنٸن بٸلدٸردٸ.
