Atyraý oblystyq perinataldyq ortalyǵynyń dárigerleri burynǵy áriptesterine shyǵarylǵan sot úkimine qatysty pikirin bildirdi, dep habarlaidy "Ult aqparat".
Oblystyq densaýlyq saqtaý basqarmasy baspasóz qyzmetiniń málimetine qaraǵanda, perzenthana qyzmetkerleri kináli dep tanylǵan eks-dárigerlerge taǵaiyndalǵan jazanyń merzimin qysqartýǵa usynys jasaǵan.
«Eshkim sot úkimine qarsy emes. Alaida, jazany jeńildetýge qastysty sharalar qoldanýǵa bolady degen úmitimiz basym. Óitkeni, áriptesterimizge qatysty shyǵarylǵan úkim tym qatań. Osyndai óte kúrdeli jaǵdaida meditsina qyzmetkerleri qalypty rejimde jumys istep, tikelei mindetin atqara almaidy. Budan keiin, endi jetilip kele jatqan jas meditsina qyzmetkerleriniń kózinen qandai jalyn, qandai ot kórýge bolady?» - deidi Asqar Kenjeǵaliev.
Onyń aitýynsha, sot úkimimen kelispegen ortalyqtyń ujymy jappai jumystan ketýge aryz bergeni týraly aqparat shyndyqqa janaspaidy.
Meditsina qyzmetkerlerimen Atyraý oblysy ákiminiń birinshi orynbasary Serik Aidarbekov, oblys ákiminiń orynbasary Baqytgúl Hamenova, máslihat depýtattary kezdesip, talap-tilekterin tyńdady.
