اتىراۋ وبلىستىق پەريناتالدىق ورتالىعىنىڭ دەرٸگەرلەرٸ بۇرىنعى ەرٸپتەستەرٸنە شىعارىلعان سوت ٷكٸمٸنە قاتىستى پٸكٸرٸن بٸلدٸردٸ, دەپ حابارلايدى "ۇلت اقپارات".
وبلىستىق دەنساۋلىق ساقتاۋ باسقارماسى باسپاسٶز قىزمەتٸنٸڭ مەلٸمەتٸنە قاراعاندا, پەرزەنتحانا قىزمەتكەرلەرٸ كٸنەلٸ دەپ تانىلعان ەكس-دەرٸگەرلەرگە تاعايىندالعان جازانىڭ مەرزٸمٸن قىسقارتۋعا ۇسىنىس جاساعان.
«ەشكٸم سوت ٷكٸمٸنە قارسى ەمەس. الايدا, جازانى جەڭٸلدەتۋگە قاستىستى شارالار قولدانۋعا بولادى دەگەن ٷمٸتٸمٸز باسىم. ٶيتكەنٸ, ەرٸپتەستەرٸمٸزگە قاتىستى شىعارىلعان ٷكٸم تىم قاتاڭ. وسىنداي ٶتە كٷردەلٸ جاعدايدا مەديتسينا قىزمەتكەرلەرٸ قالىپتى رەجيمدە جۇمىس ٸستەپ, تٸكەلەي مٸندەتٸن اتقارا المايدى. بۇدان كەيٸن, ەندٸ جەتٸلٸپ كەلە جاتقان جاس مەديتسينا قىزمەتكەرلەرٸنٸڭ كٶزٸنەن قانداي جالىن, قانداي وت كٶرۋگە بولادى?» - دەيدٸ اسقار كەنجەعاليەۆ.
ونىڭ ايتۋىنشا, سوت ٷكٸمٸمەن كەلٸسپەگەن ورتالىقتىڭ ۇجىمى جاپپاي جۇمىستان كەتۋگە ارىز بەرگەنٸ تۋرالى اقپارات شىندىققا جاناسپايدى.
مەديتسينا قىزمەتكەرلەرٸمەن اتىراۋ وبلىسى ەكٸمٸنٸڭ بٸرٸنشٸ ورىنباسارى سەرٸك ايداربەكوۆ, وبلىس ەكٸمٸنٸڭ ورىنباسارى باقىتگٷل حامەنوۆا, مەسليحات دەپۋتاتتارى كەزدەسٸپ, تالاپ-تٸلەكتەرٸن تىڭدادى.
